Aqtaýda avtokólikte qyz zorlaý oqiǵasy boiynsha qylmystyq is qozǵaldy, dep habarlaidy QazAqparat.
Bul jaiynda «Nemolchi» qozǵalysynyń áleýmettik jelidegi jazbasynan málim boldy.
Onda Aqtaýda turatyn boijetkendi tanysy máshinede zorlaǵany jaily aitylǵan.
«Ol qyz pák bolatyn. Keshe politsiiaǵa aryz berildi, biraq áli kúnge deiin tergeýshi belgili emes, jábirlenýshiniń kiimin de alǵan joq. Politseiler kúdiktini ustamady, oqiǵa orny da qaralǵan joq, kólikti aiyp turaǵyna qoimady, tipti saraptama da taǵaiyndaǵan joq» dep jazylǵan málimette.
Osyǵan qatysty Mańǵystaý oblystyq politsiia departamenti túsinikteme berdi.
«2021 jyly 26 qazanda Aqtaý qalasy politsiia basqarmasyna qyz bala tanysynyń onyń erkinen tys jynystyq qatynasqa túskeni týraly jazbasha aryz jazǵan. Atalǵan derek boiynsha QR QK 120-baby 1-bóligi boiynsha qylmystyq is qozǵaldy. Sot-meditsinalyq saraptama taǵaiyndaldy. Tergeý amaldary júrip jatyr» dep málim etti politsiia departamentiniń baspasóz qyzmeti.
