Elimizde kólikterdi gaz balonymen jabdyqtaýmen ainalysatyn kompaniialarǵa litsenziia alý mindetti bolýy yqtimal. Bul týraly Energetika vitse-ministri Álibek Jamaýov aitty dep habarlaidy Kazinform.
«Qazirgi tańda kólikke gaz balonnyn ornatýǵa tyiym joq. Kez kelgen adam kóligine ornata alady. Búginde kólikti gazǵa aýystyrýǵa shekteý qoiý ne qadaǵalaý máselesin oilastyryp jatyrmyz. 100 paiyz shekteý bolmaidy. Biraq gaz jabdyqtarynyń qaidan kelgeni, sapasy, qai jerde ornatylǵany tekseriledi. Qazirgi ýaqytta gaz balonyn ornatatyn kompaniialardyń litsenziiasy múldem joq. Múmkin, litsenziialyq qyzmet jasaityn shyǵarmyz. Sony oilastyryp jatyrmyz», - dedi vitse-ministr BAQ ókilderine arnalǵan brifingte.
Onyń atap ótýinshe, kólikke gaz balonyn kez kelgen garajda ornatqyzýǵa bolady. Biraq bul óte qaýipti.
«Biz resmi saýal joldadyq. Ishki ister ministrliginiń resmi deregine sáikes, sońǵy jylda ǵana 300 myńnan astam avtomobil suiytylǵan munai gazyna kóshirildi. Iaǵni, osynsha kólik gaz balonymen jabdyqtaldy», - dedi Álibek Jamaýov.
