2021 jyldyń basynan beri Kóliktegi politsiia departamentiniń qyzmetkerleri túrli ákimshilik quqyq buzýshylyqtar úshin 12 642 azamatty ákimshilik jaýapkershilikke tartty, onyń ishinde ortaq paidalanatyn oryndardy lastaǵany úshin 611 adam jazalandy, dep habarlaidy Kóliktegi politsiia departamentiniń baspasóz qyzmeti.
Aǵymdaǵy jylǵy 16 naýryzda Atyraý qalasynyń áýejaiyndaǵy Jelilik politsiia bólimshesine qala turǵyny shaǵymdanyp keldi. Onyń aitýynsha, áýejai avtoturaǵynda belgisiz er adam ortaq paidalanatyn orynda temeki shegip, temeki tuqylyn jerge tastaǵan.
Kólik politseileri túsken aqparat boiynsha júrgizgen jedel tekserý jáne izdeý jumystary barysynda quqyq buzýshyny anyqtap, ustady. Ol «Atyraý-Almaty» baǵytyndaǵy áýe reisimen ushpaq bolǵan Qytai Halyq Respýblikasynyń 56 jastaǵy azamaty bolyp shyqty.
QHR azamatyna qatysty QR ÁQBtK-niń 434-2-babynyń 1-bóligimen, iaǵni ortaq paidalanatyn oryndardy lastaý boiynsha ákimshilik hattama toltyrylyp, oǵan 5 AEK mólsherinde ákimshilik aiyppul salyndy.
Kólik politseileri Departamenttiń jedel qyzmet kórsetý aýmaǵynda qoǵamdyq oryndarda quqyqbuzýshylyqpen kúres júrgizýdi jalǵastyrýda. Tártip saqshylary úshin qoǵamdyq tártipti buzatyn jáne azamattardyń ómir súrý qaǵidalaryna keri áserin tigizetin usaq quqyq buzýshylyqtardy anyqtaýdyń mańyzy zor.
