Almaty oblysy Tekeli qalasynyń ákimi Baqtiiar Ónerbaev otstavkaǵa ketý jóninde aryz jazdy, dep habarlaidy "Ult aqparat".
«27 tamyzda otstavkaǵa ótinish jazdym», - dep ózi rastady aqparatty shahar basshysy.
Endi Tekeli qalasy ákiminiń aldaǵy taǵdyry qalai bolatynyn Almaty oblysynyń ákimi sheshedi. Amandyq Batalov bir aidyń ishinde Prezident Ákimshiliginiń kelisimimen otstavkany qabyldaidy nemese qabyldamaidy.
Aita keteiik, buǵan deiin Tekeli qalasynyń turǵyndary áleýmettik jelige shyǵyp, ákimderin jumystan shyǵarmaýdy ótinip suraǵan bolatyn. Halyqtyń sózinshe, B. Ónerbaev Tekelige ákim bolyp kelgeli qurylys jandanyp, baspanasyzdar úili bolyp, kósheler jóndelip, kóp jumys atqaryla bastaǵan.
Esterińizge sala keteiik, Tekeli qalasy ákiminiń apparat basshysy 1,5 mln teńge paramen ustalyp, qylmysy dáleldengen bolatyn.
1978 jylǵy sheneýnik endi alǵan parasyn on ese qylyp memleketke qaitaryp, ómir boiyna memlekettik qyzmette jumys isteý quqyǵynan aiyryldy. Sot oǵan 15 mln teńge aiyppul saldy.
Alǵashqy eńbek jolyn qarapaiym kúzetshi bolyp bastaǵan Tekeli qalasy ákiminiń apparat basshysy paramen ustalǵanda aǵyny kúshti sýǵa sekirip, óz ómirine qaýip tóndirip qashqan bolatyn.
Zań boiynsha qolastyndaǵy memlekettik qyzmetker paramen ustalsa, onyń basshysy qyzmetinen ketýi tiis. Endi B.Ónerbaev ornynda qala ma, joq pa - belgisiz.
