Qapshaǵai sý qoimasynda túsirilgen video qazaqstandyqtardy tánti etti, - dep habarlaidy Tengrinews.kz agenttigi.
26 maýsymda sý qoimasynyń jaǵalaýynda 8 jastaǵy bala joǵalyp ketken. Jaǵalaýda demalyp jatqan adamdar bir-biriniń qolynan ustap, tizbek jasap, sýdan balany izdegen.
Almaty oblysy TJD ókili bala keiinirek Qapshaǵai sý qoimasynyń jaǵalaýynan aman-esen tabylǵanyn aitty.
"Mundai tásildi qoǵamdyq qutqarýshylarǵa Qapshaǵai óńiriniń jedel-qutqarý jasaǵynyń qutqarýshylary úiretti. Olardy ákimdik Qonaevtyń qalalyq jaǵajaiynda jumys isteý úshin jaldaidy. Qoǵamdyq qutqarýshylar balany tabý úshin bul izdeý ádisin demalýshylarmen birge qutqarýshylar kelgenshe qoldandy. Bul týraly Almaty oblysy TJD kezekshi bailanys pýltine habarlama túsken joq. Keiin balanyń jaǵalaýdan aman-esen tabylǵany anyqtaldy", - dedi Almaty oblysy TJD baspasóz qyzmeti ókili.
"Osyndai áreketterden keiin qýanyshtan jylaǵym keledi, Qudaiǵa shúkir, bári jaqsy, bizdiń halqymyz qandai uiymshyl, meiirimdi edi", "Qudaiǵa shúkir, kómek qajet bolmapty, bala jaǵada eken", "Adamdar bir birine kómekteskenin kórgende janyń jai tabady", - deidi Jeli qoldanýshylary.
Eske salaiyq, 26 maýsymda Qonaev qalasyndaǵy Qapshaǵai sý qoimasynda tórt adam sýǵa batyp ketti. Qaiǵyly oqiǵa "Golýboi zaliv" aýmaǵynda bolǵan. Bul adamdardyń bári týysqan ekeni aityldy.
.jpg)
