Pavlodar oblysyndaǵy aýyldardyń birindegi qoqys úiindisinde Eltańba men prokýratýra taqtaishasy tabyldy. Quzyrly organdar memlekettik simvol qalai qoqys úiinde qalai paida bolǵanyn anyqtap jatyr, - dep habarlaidy Tengrinews.kz.
Instagram jelisinde jariialanǵan videoda Aqtoǵai aýdanynyń prokýratýrasynyń taqtaishasy jatqany kórsetilgen. Janynda eki Eltańba jatyr, onyń biri synyp qalǵan, al ekinshisi - bútin.
Video paida bolǵannan keiin tabylǵan zatty Pavlodar oblysynyń prokýratýrasy zerttei bastady. Vedomstvo ókilderi bul derek tekserilip jatqanyn habarlady.
"Oblystyq prokýratýra qyzmettik tekseris júrgizip jatyr. Sondai-aq, aqparattyń taralý arnasy materialy aiasynda politsiia tekserýdi bastady. Mán-jailar anyqtalyp jatyr", - dedi quziretti organ ókilderi.
Aqtoǵai aýdany ákimdiginiń málimetinshe, qoqys úiindisi Aqtoǵai aýylynyń ortalyǵynan eki shaqyrym jerde ornalasqan.
Sonymen qatar, Pavlodar oblysynyń Aqparat jáne qoǵamdyq damý basqarmasy memlekettik rámizderge mundai kózqarasqa jol berilmeitinin málimdedi.
