Almaty ákimi Baqytjan Saǵyntaev Kóktóbe aýmaǵynda zańsyz aǵash kesken jer telimi iesiniń jaýapkershilikke tartylǵanyn aitty, dep habarlaidy "Ult aqparat".
Baqytjan Saǵyntaev «Almaty» telarnasyndaǵy Akimat Live baǵdarlamasynyń tikelei efirinde qala turǵyndarynyń suraqtaryna jaýap berdi. Onyń aitýynsha, Medeý aýdanynda zańsyz aǵash kesý faktilerin tekserý nátijesi belgili boldy.
Birneshe adam ielik etetin aýmaqta jasyl jelekti zańsyz kesý faktisi anyqtalǵan. Onyń bireýi 117 jasyl jelekti zańsyz keskeni úshin 15 AEK (41 670 teńge) aiyppul tóleidi. Sonymen qatar, oǵan abattandyrý erejesin buzǵany úshin 50 AEK (138 900 teńge) kóleminde aiyppul salyndy.
Ol kesken aǵashynyń ornyna 1170 kóshet otyrǵyzýǵa mindetti.
«Aǵashty zańsyz kesý jáne jasyl jelekke ziian keltiretin problemany jurtshylyqty keńinen tarta otyryp sheshemiz», - dep atap ótti B. Saǵyntaev.
Sonymen qatar, zańsyz aǵash keskenderdi, olardyń túbine, dińgegine ziian keltirgenderdi anyqtaityn «Jasyl baqylaý» jobasy qolǵa alynady jáne zańsyz áreketterge monitoring júrgiziledi.
