Áleýmettik jelide Kóktóbede qoltyraýynyń balasymen serýendep júrgen boijetkeniń videosy tarady. Baýyrmen jorǵalaýshynyń tumsyǵyn skotchpen orap tastapty, dep habarlaidy "Ult aqparat".
Anyqtalǵandai, alligator Kóktóbege sýretke túsý úshin kelgenderge tiesili bolyp shyqty.
«Bul qoltyraýyn Kóktóbede fotosessiia ótkizip jatqan qonaqtardyki. Onyń tumsyǵynyń ne sebepti skotchpen oralǵanyn biz aita almaimyz. Múmkin bul jalpy qaýipsizdik úshin shyǵar. Biz barlyq sanitarlyq normalardy qatań saqtaimyz» - deidi «Kóktóbe parki» JShS ókili Ǵaliia Halilaeva.
Kóktóbede qoltyraýynmen serýendep júrgen boijetkendi kýágerler videoǵa túsirip alǵan.
Alligator kaiman tuqymyna jatady. Ony Almaty haiýanattar baǵynan da kórýge bolady.
«Bizdiń Almaty zoobaǵynda kaiman qoltyraýyndary bar. Kaimandar alligatorlar tuqymdasyna jatady. Olar ártúrli. Keibireýi qaýipti. Usaq alligatorlardyń uzyndyǵy - bir jarym-eki metrge jetedi jáne salmaǵy - orta eseppen 6 keliden 40 kelige deiin», - deidi Almaty zoobaǵynyń qyzmetkeri Mihail Sorokoýmov.
