«Qazgidromet» RMK 11 jeltoqsan kúni aýa raiynyń buzylýyna bailanysty birneshe óńirde eskertý jariialady, dep habarlaidy "Ult aqparat".
Aqtóbe oblysynda kúndiz oblystyń ońtústik-batysynda kóktaiǵaq kútiledi. Soltústik-shyǵystan jel soǵady, oblystyń soltústik-batysynda jáne ortalyǵynda ekpini 15-20 m/s artady.
Mańǵystaý oblysynyń soltústiginde, soltústik-shyǵysynda kóktaiǵaq bolady.
Túrkistan oblysynyń soltústiginde tuman boljanady. Ońtústik-batystan jel soǵady, kúndiz taýly aýdandarda kúshi 15-20 m/s jetedi.
Batys Qazaqstan oblysynyń soltústiginde tuman kútiledi.
Qaraǵandy oblysynyń batysynda, ortalyǵynda jeldiń ekpini 15-20 m/s artady.
Qyzylorda oblysynyń soltústiginde kóktaiǵaq bolady. Jel ońtústik-batystan soǵady, túnde oblystyń ortalyǵynda jeldiń kúshi 15-20 m/s quraidy.
Shyǵys Qazaqstan oblysynyń ortalyǵynda, ońtústik-shyǵysynda jaiaý burqasyn kútiledi. Jeldiń ekpini 15-20 m/s quraidy, kúndiz Jarma aýdanynda kúshi 23-28 m/s artady.
Almaty oblysynda jeldiń jyldamdyǵy 15-20 m/s quraidy. Alakól kólderiniń aýdanynda ekpini 29 m/s jáne odan joǵary kóteriledi.
