Kókshetaý turǵynyn óz úiiniń kire berisinde zorlamaqshy bolǵan 26 jastaǵy er adam ustaldy, dep habarlaidy "Ult aqparat" Aqmola oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, 12-18 naýryz aralyǵynda oblys aýmaǵynda qylmysqa qarsy kúresti kúsheitý, qoǵamdyq oryndarda quqyq buzýshylyqtardyń aldyn alý jáne jolyn kesý maqsatynda «Quqyq tártibi» jedel aldyn alý is-sharasy ótip jatyr. Shara barysynda politsiia qyzmetkerleri zorlaýǵa áreket jasaǵan kúdiktini anyqtady.
«Naýryzdyń 13-de saǵat 03:00 Kókshetaý qalalyq politsiia basqarmasynyń kezekshi bólimine oblys ortalyǵynyń turǵynan aryz tústi. Onda aryz iesi belgisiz berýdiń ózine seksýaldyq sipattaǵy zorlyq-zombylyq jasaýǵa tyrysqany týraly aitty. Belgili bolǵandai, áiel uiqysyzdyq dertine shaldyqqan jáne túnde serýendeýge shyqqan eken. Sol kezde oǵan úiiniń kireberisinde beitanys er adam tap berip, kiimin sheship zorlamaqshy bolǵan. Kómekke kelgen kórshilerdiń kómeginiń arqasynda áiel zorlaýshydan qutylǵan», - dedi vedomstvodan.
Jedel-izdestirý sharalary barysynda politseiler beinebaqylaý kamerasyndaǵy jazba arqyly kúdiktini anyqtady. Ol 26 jastaǵy, buryn sottalǵan, Býrabai aýdanynyń turǵyny bolyp shyqty.
«Osyǵan bailanysty Qylmystyq kodekstiń 24 babynyń 3 bóligi, 120-babynyń 1 bóligi «zorlaý áreketi» boiynsha sotqa deiingi is qozǵaldy», - dep tolyqtyrdy vedomstvodan.
