Kókshetaýdaǵy Naýan Haziret atyndaǵy ortalyq meshitte ekpe salatyn oryn ashyldy, dep habarlaidy "Ult aqparat".
Oraza kezinde ekpe alýǵa bola ma degen másele qazir biraz adamdardy tolǵandyryp otyr. Osy rette, ol Qazaqstan musylmandary dini basqarmasynyń málimdemesi jariialandy. Onda ekpe egý orazany buzbaityndyǵy aityldy. Degenmen, ekpeden keiin adam ózin nashar sezinip, em alatyn bolsa, bul orazany buzady jáne osyǵan orai, ramazan aiy bitken soń oraza buzylǵan kúnderdi óteýge bolady.
Búgin Naýan Haziret Meshitiniń bas imamy Sábit Qýanysh ta koronavirýs infektsiiasynyń ekpesin aldy.
«Eger belgili bir zat as qorytý júiesine aýyz, muryn siiaqty tabiǵi sańylaýlar arqyly ense, oraza buzylady. Inektsiialar men koronavirýs vaktsinasyn engizý atalǵan jaǵdaiǵa jatpaidy. Sondyqtan COVID-19-ǵa qarsy vaktsinany qabyldaý orazany buzbaidy», - deidi bas imam.
Sondai-aq, bas imam atap ótkendei, dárýmender men qorektik qasieti bar inektsiialardy qospaǵanda emdeý maqsatynda qoldanylatyn inektsiialarǵa ruqsat etilgen.
Sonymen birge, búgin mobildik brigada Hoým kredit bankinde 12 adamǵa jáne Kókshetaý joldary kásipornynda 30 adamǵa jumys ornyna baryp ekpe saldy.
