Kókshetaýdaǵy «Tynys» AQ zaýyty jasandy tynys aldyratyn apparat shyǵarýda, dep habarlaidy "Ult aqparat".
Kásiporyn basshylyǵynyń málimetinshe, qazirgi kezde zaýyt alǵashqy «Kókshetaý-4» ókpege jasandy tynys berý apparattaryn oblystaǵy meditsinalyq mekemelerge taratqan.
«Zaýytta osyǵan deiin shyǵarylyp, daiyn turǵan 17 apparatty oblystaǵy meditsinalyq mekemelerge berdik. Taǵy 50 dana apparat shyǵarylýda. Jalpy, búgingi kúnge deiin 300 dana «Kókshetaý-4» ókpeni jasandy tynys aldyratyn apparatqa suranys tústi. Zaýyttyń aiyna osyndai 20-30 dana apparat shyǵarýǵa múmkindigi bar. Tek keibir qajetti materialdardy syrttan aldyrtamyz. Sol biraz qiyndyq týǵyzyp otyr», - dedi zaýyttyń satý jáne ótkizý bóliminiń basshysy Aibek Qabiev.
Sonymen qatar, kásiporyn táýligine 6-7 myń dana meditsinalyq maska tigýde. Búgingi kúni barlyǵy 35 myń dana maska shyǵarylǵan.
