Foto: polisia.kz
Kókshetaýda urlanǵan avtokólik beinebaqylaý kameralarynyń kómegimen tabyldy, dep habarlaidy Ult.kz.
Quqyq qorǵaý organdarynyń málimetinshe, oqiǵa 14 sáýir kúni tirkelgen. Belgisiz adamdar jeke turǵyn úidiń aýlasynda turǵan VAZ-2114 avtokóligin urlap ketken. Kólik iesi – egde jastaǵy azamat. Ol kóliginiń joǵalǵanyn baiqap, birden politsiiaǵa júgingen.
Habarlama túsken boida tártip saqshylary qylmystyq is qozǵap, jedel-izdestirý sharalaryn bastaǵan. Urlanǵan kóliktiń yqtimal baǵyty anyqtalyp, aqparat barlyq patrýldik ekipajdarǵa taratyldy.
Politsiia qyzmetkerleri oqiǵa orny mańyndaǵy jáne kúdiktiler júrýi múmkin baǵyttardaǵy beinebaqylaý kameralarynyń jazbalaryn muqiiat tekserdi. Sonyń nátijesinde kóliktiń qozǵalys baǵyty naqtylandy.
Jedel sharalar barysynda Kókshetaý qalasynyń bir turǵyny anyqtalyp, onyń iske qatysy tekserilip jatyr. Urlanǵan avtokólik tárkilendi.
Qazir oqiǵanyń barlyq mán-jaiyn anyqtaý úshin tergeý amaldary júrgizilýde.
