Kókshetaýda belgisiz bireý «Arbat» saýda úiine «bomba» qoiylǵandyǵyn habarlady.
Osyǵan bailanysty saýda úiinde bolǵan 100-ge jýyq adam evakýatsiialandy, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, keshki saǵat 20:33-te Aqmola oblystyq Politsiia departamentiniń kezekshilik bólimine jergilikti Tótenshe jaǵdailar departamentinen aqparat tústi. Onda TJD-ne belgisiz bireý «Arbat» saýda úiine «bomba» qoiylǵandyǵyn telefon arqyly habarlap aitqan.
«Aitylǵan jerge jedel- tergeý toby, kóliktegi jáne jaiaý politsiia qyzmetkerleri jetti. Barlyǵy 100-de jýyq adam evakýatsiialandy. Politsiia qyzmetkerleri men jarylǵysh zatpen jumys isteitin mamandar «bombany» izdestirýde. Sonymen birge, jarylǵysh zat týraly habarlaǵan adamdy anyqtaý boiynsha jedel-izdestirý sharasy qolǵa alyndy» , - dedi vedomstvodan.
