24 qazan kúni M. Jumabaevtyń atyndaǵy oblystyq ámbebap ǵylymi kitaphanasynda "Bolashaq bizdiń qolymyzda" korporativtik qory memlekettik áleýmettik tapsyrysty júzege asyrý aiasynda "Aqmola oblysynyń ishki saiasat basqarmasy" MM Kókshetaý zań kolledjiniń, "Býrabai" kolledjiniń, Aqan seri atyndaǵy mádeniet kolledjiniń joǵary kýrs stýdentteri men oqytýshylarynyń qatysýymen "Rýhani jańǵyrý" baǵdarlamasyn júzege asyrý taqyrybynda dóńgelek ústel uiymdastyrdy.
Dóńgelek ústeldiń maqsaty - "Rýhani jańǵyrý" baǵdarlamalyq maqalasyn iske asyrý úderisine jastardy tartý jáne talqylaý uiymdastyrý. "Rýhani jańǵyrý" baǵdarlamasynda Elbasy árbir qazaqstandyqtyń sanasyn jańǵyrtýdyń negizgi baǵyttaryn atap ótken bolatyn.
Dóńgelek ústelge spiker retinde Sh. Ýálihanov atyndaǵy Kókshetaý memlekettik ýniversitetiniń jalpy tarih jáne filosofiia kafedrasynyń aǵa oqytýshysy Júsipova Raýshan Qurmanǵaliqyzy qatysty. "100 jańa oqýlyq", "100 jańa esim", "latyn álipbiine kóshý" jáne t.s.s. siiaqty baǵdarlamalyq maqalalardyń negizgi baǵyttary týraly egjei-tegjeili aityp berdi.
"Aldymyzǵa durys maqsattar qoiý, jinaqtalǵan tarihi tájiribeni zerdeleý, ózin - ózi damytý jáne ýaqyt óte kele alǵa jyljý óte mańyzdy",- dep atap ótti óz sózinde "Bolashaq bizdiń qolymyzda"korporativtik qorynyń atqarýshy direktory Jaqypov Janat Erkenuly.
Sońynda Aqan seri atyndaǵy kolledjdiń tarih pániniń oqytýshysy Mahambetiiarova Elvira Seifýllaevna Aqan seri atyndaǵy kolledjdiń "Rýhani jańǵyrý" baǵdarlamalyq maqalasy aiasynda ótkizilgen is-sharalar men jetistikteri týraly aityp berdi.
Jalpy kolledj stýdentteri is-sharaǵa belsendi qatysyp, ózderin qyzyqtyrǵan suraqtar qoiyp, "Rýhani jańǵyrý" baǵdarlamasyn júzege asyrýǵa jastardyń qatysýy boiynsha usynystar jasady.
