Kókshetaýda órtengen úiden 49 jastaǵy er adamnyń denesi tabyldy. Ol esh jerde jumys istemegen jáne maskúnem retinde esepte turǵan, dep habarlaidy "Ult aqparat" Aqmola oblystyq TJd baspasóz qyzmetine silteme jasap.
Vedomstvonyń málimetinshe, órt búgin tańerteń saǵat 09:43-te Kókshetaý qalasyndaǵy jeke turǵyn úide shyqqan.
«Órtti sóndirý barysynda 49 jastaǵy er adamnyń denesi tabyldy. Ot 5 sharshy metr aýmaqty sharpydy. Órt kezinde er adam úide jalǵyz bolǵan», - dedi TJD baspasóz qyzmetindegiler.
Qazirgi kezde órttiń shyǵý sebebi anyqtalýda, sot-meditsinalyq jáne órt-tehnikalyq saraptama taǵaiyndaldy.
Kókshetaý qalasy politsiia basqarmasynyń málimetinshe, er adam ýaqytsha jumys istemegen jáne maskúnem retinde esepte turǵan.
