Kókshetaýda QR Memlekettik rámizder kúnin atap ótý aiasynda «Meniń týym» atty patriottyq shara ótti, dep habarlaidy "Ult aqparat".
Sh.Ýálihanov kóshesi, N.Nazarbaev jáne Abylai han kósheleriniń qilysynda bastalǵan shara «Evraziia grýpp Kazahstan», «Agrimer astyq», «Kókshetaý sút zaýyty» jáne «Aqsai nan» seriktestikteri ujymdarynyń ánurandy shyrqaýymen jalǵasty.
Budan keiin Memlekettik rámizderimizdiń mártebesin asqaqtatyp, jastardy patriotizmge tárbieleýge baǵyttalǵan «Meniń týym – meniń Otanym» aktsiiasy ótti. Aktsiia barysynda memlekettik tý Aqmola oblystyq sotynyń ákimshilik ǵimaraty, Nazarbaev dańǵyly 94 jáne 86 mekenjai boiynsha ornalasqan «Kókshetaý siti» jáne «Alýa stroi» turǵyn úi keshenderi terezeleriniń ár qabatyna elimizdiń Memleketik rámizderine qurmet retinde kók týlar ilindi.
Qala turǵyndaryn QR Memleketik rámizderi kúnimen Q.Shákeev atyndaǵy jas aqyndary mektebiniń basshysy, aqyn Muhamed Qonqaev quttyqtap, jyly lebizin bildirdi.
Shara barysynda jiyrma shaqty kóliktiń qatysýymen «El rámizderi-erkindik nyshany» avtosherýi ótip, qalaishilik qoǵamdyq kólikter men iri saýda oryndarynyń aýlasynda memleketik jalaýshalar uiymdastyrylyp, ánuran oryndaldy.
