Kókshetaýda mektepti tonaǵan kúzetshi ustaldy. Kúdikti ǵimarattan 9 noýtbýk, 3 planshet, 3 vebkamera jáne 3 qulaqqapty jymqyrǵan, dep habarlaidy "Ult aqparat" Aqmola oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, biyl 17 tamyzda oblys ortalyǵyndaǵy ýchaskelik politsiia inspektoryna jergilikti mektepterdiń biriniń direktorynan aryz tústi.
Direktordyń sózinshe, biylǵy jylǵy tamyzdyń 13-15 kúnderi aralyǵynda mektepten 9 noýtbýk, 3 planshet, 3 vebkamera jáne 3 qulaqqapty belgisiz bireý qoldy qylǵan. Keltirilgen shyǵyn kólemi 1,4 million teńgeden asady.
«Jedel izdestirý sharasy barysynda osy mekteptiń úsh kúzetshisiniń biri ustaldy. 28 jastaǵy er adam qylmysyn moiyndady», - dedi vedomstvodan.
Qazirgi kezde, osy qylmysqa qatysty Qylmystyq kodekstiń 188 babynyń 1-shi bóligi «urlyq» boiynsha sotqa deiingi tergeý amaldary júrgizilýde. Kúdiktige «kelý mindettemesi» protsessýaldyq májbúrleý sharasy tańdaldy.
