Kókshetaýda «Qazaqstan-Resei» forýmyna daiyndyq jumystary qyzý júrip jatyr. Forým ótetin basty nysan - «Bolashaq saraiynyń» qurylysy 75 paiyzǵa oryndalǵan, dep habarlaidy "Ult aqparat".
«Bolashaq saraiy» jobasynyń jetekshisi Jomart Qarsaqbaevtyń aitýynsha, qurylys jumystary ótken jyly bastaldy. Qazirgi kezde munda 300 adam jumys isteýde. Jaqyn kúnderi taǵy qosymsha jumys kúshi tartylmaqshy. Qazan aiynda nysandy tapsyrý josparlanǵan. Fasad jáne vitrajdar orlastyrylýda. Kókshetaýlyq mamandar, árileý, injenerlik jelini tartý, montajdaý jáne abattandyrý jumystarymen ainalysýda.
«Keshenniń ishki jumystaryn qajetti jabdyqtardyń basym kópshiligi jetkizilip, montajdaý jumystary júrgizilýde. Nysan bilim jáne sporttyq maqsattaǵy eki korpýstan turady. Birinshisinde horeografiia, tsifrlyq tehnologiia, zerthana jáne akti zaly bolsa, ekinshisinde sportzal, bassein, jattyǵý zaly qarastyrylǵan. Al, ǵimarttyń syrtynda jerasty sýburqaǵy men jasyl alańqai bolady», - Jomart Qarsaqbaev.
Jetekshi atap ótkendei, jobanyń jalpy quny 10 milliard teńgege baǵalanyp otyr. «Bolashaq» saraiy Qazaqstanda ásem ǵimarat bolatyny sózsiz.
Sonymen qatar, Kókshetaý Qopa kóliniń jaǵasynda jaǵajai qurylysy júrgizilde. Bul nysannyń da qurylysyn atalmysh forým qarsańynda aiaqtaý josparlanǵan. Elimizdiń ózge qalalaryndaǵydai bul jaǵajai qurylysynyń qazir 85 paiyzy oryndalǵan. Jobanyń quny 1,5 milliard teńgeniń shamasynda. Jalpy, uzyndyǵy bir jarym shaqyrym jaǵajai qurylysyna eki júzdei adam tartylǵan. Onyń júzi jumysty shiratý úshin qosymsha tartylǵan jumysshylar.
Jaǵajai jeti aýmaqtan turatyn bolady. Iaǵni, amfiteatr, pirs jáne baqylaý alańy bar jaǵajai aimaǵy, rekreatsiialyq aimaq, jaǵadaǵy alleia, balalar jáne sport alańy, eresekterge men qoǵamdyq tamaqtanýǵa arnalǵan alań, kópbeiindi jármeńke alańy men avtoturaq qarastyrylǵan.
