Kókshetaýda atys boldy, politsiia oqiǵanyń mán-jaiyn anyqtaýda, dep habarlaidy QazAqparat.
Oqiǵa týraly aqparat áleýmettik jelide tarady.
«Pýshkin kóshesiniń Abai jáne Áýelbekov kósheleri aralyǵy, iaǵni The Beze, «Miasorýbka» dámhanasy tusy qorshalǵan. Oqiǵa ornynda politsiia jumys istep jatyr. Kýágerlerdiń aitýynsha, atys bolǵan», - delingen jazbada.
Osy oqiǵa boiynsha oblystyq Politsiia departamenti de jaýap berdi.
«Qazirgi kezde, oqiǵa ornynda politsiia qyzmetkerleri jumys isteýde. Jedel-tergeý sharalary júrgizilip, mán-jai anyqtalýda», - dep jaýap berdi QazAqparat tilshisiniń saýalyna departamentten.
