22 qarasha kúni Kókshetaý qalasynda Óńirlik kommýnikatsiia qyzmeti alańynda "Bolashaqqa baǵdar: rýhani jańǵyrý" baǵdarlamasy aiasynda Sáken seri Júnisovtiń "Aqan seri" romanynyń jelisi boiynsha aýdiokitaby tanystyryldy.
Joba Aqmola oblysy ishki saiasat basqarmasynyń bastamasymen "Rýhani jańǵyrý" óńirlik jobalyq keńsesi jáne "El Jastar" teatrymen júzege asty.
Bul bastamanyń maqsaty - qazaqstandyqtardyń jańa býynyn patriottyqqa tárbieleý, otandyq ádebietke degen qyzyǵýshylyqty arttyrý.
Is-sharaǵa Aqmola oblysy ishki saiasat basqarmasynyń basshylyǵy, BAQ, mádeniet, qoǵam ókilderi jáne qalanyń stýdent jastary qatysty.
"Qoǵamdyq sanany jańǵyrtý baǵdarlamasyn iske asyrýdaǵy jańa tásilderdi qoldaný, shyǵarmashylyq jáne tiimdi jobalardy jasaý kezeńi qarqyndap keledi. Osyǵan bailanysty biz árqashan bastamashyl jastardy qoldaimyz"- dep atap ótken bolatyn ishki saiasat basqarmasynyń basshysy Altynai Ámirenova.
Aýdiokitapty jazýǵa shamamen 4 apta ýaqyt ketti. Aýdiokitap "jandy daýyspen" oqý arqyly, atap aitqanda, "Zhakondra Films" stýdiiasynda "El Jastar" teatrynyń akterlerimen jazylǵan bolatyn.
"Aýdiokitapta romannyń qyzyqty úzindileri toptastyrylǵan. Bizdiń basty maqsatymyz - jastardy osy jumysqa qyzyqtyrý, kitap oqý mádenietin qalyptastyrý bolyp keledi", - dep aitty Óńirlik jobalyq keńseniń basshysy Qairat Seitqazin.
Qazirgi ýaqytta E. Myrzahmetovtyń "Medet" kitabynyń jelisi boiynsha jazba jumystary júrgizilýde.
Sondai-aq, Aqmola oblysy aqyn-jazýshylarynyń shyǵarmalary negizinde taǵy da 9 aýdiokitap shyǵarý josparlanǵan.
