Kókshetaýda politsiia qyzmetkerleri veipterdi zańsyz satýdy toqtatty, – dep habarlaidy Polisia.kz.
19 shildede Kókshetaý qalasyndaǵy uiymdasqan qylmysqa qarsy kúres basqarmasynyń qyzmetkerleri jergilikti massaj salony ákimshisiniń veipterdi zańsyz satý faktisin anyqtady. Áiel oiyn-saýyq mekemesiniń klientterine tyiym salynǵan taýarlardy satqany anyqtaldy.
Osy faktige qatysty QR QK 301-1-baby 1-bóligi (Elektrondyq tutyný júieleriniń ainalymy) boiynsha sotqa deiingi tergeý bastaldy. Politseiler 20 maýsymynan bastap QR zańnamasymen shegilmeitin temeki ónimderin, veipterdi, hosh iistendirgishter men suiyqtyqtardy satýǵa, taratýǵa, sondai-aq olardy jarnamalaýǵa tyiym salynǵanyn eske salady.
Veipterdiń zańsyz saýdasymen kúresý úshin politsiia qyzmetkerleri reidtik jáne aldyn alý is-sharalaryn júrgizýde, internet-keńistikke baqylaý kúsheitildi.
Quqyq qorǵaý organdary azamattardy kúdikti adamdar men zańsyz satý júzege asyrylýy múmkin jerler týraly habarlaýǵa shaqyrady.
