© Sputnik / Timýr Batyrshin
Politsiia Kókshetaýdaǵy №2 mektep-litseige "bomba qoiyldy" degen aqparatqa qatysty túsinikteme berdi, dep habarlaidy Sputnik Qazaqstan.
Qurylǵy oqýshy jasaǵan mýliaj ekeni belgili boldy. Aldyn ala málimet boiynsha, qyz bul mektepte oqyǵysy kelmegendikten jasaǵan.
Qazir politseiler tekserý júrgizip jatyr. Iývenaldy politsiia qyzmetkerleri kámeletke tolmaǵan tártipbuzýshyny profilaktikalyq esepke qoiý máselesin sheshýde, dep habarlaidy Polisia.kz.
Eske sala ketsek, 24 mamyr saǵat 17:50-de Kókshetaý qalasynyń politsiia basqarmasyna №2 orta mektep-litsei qyzmetkerinen habar tústi. Ol sym salynǵan qańyltyr quty tapqanyn aitqan. Oqiǵa ornyna jedel ýákilder keldi.
Arnaiy mamandary men kinologtar qyzmettik-izdestirý itterimen mektepti tekserip shyqty. Olar mekteptiń 20 oqytýshysy men 10 tehnikalyq qyzmetkerin evakýatsiialady.
Kúdikti zat hattamaǵa sáikes jáne adamdardyń qaýipsizdigi maqsatynda sol jerde joiyldy.
