Elbasy Nursultan Nazarbaevtyń «Bolashaqqa baǵdar: rýhani jańǵyrý» maqalasy aiasynda elimizde kóptegen tanymy men taǵylymy mol is-sharalar ótýde. Osynyń barlyǵy óskeleń urpaqtyń tárbieli, sanaly bolyp ósýine óz septigin tigizeri anyq.
Osyndai igi sharalardyń biri – oblys ortalyǵyndaǵy ónerpaz daryndy balalarmen jumys júrgizý jónindegi oblystyq oqý-ádistemelik ortalyǵynyń oblystyq bilim basqarmasymen birlese uiymdastyrǵan «Sheberler qalasy: ata-babamyzdyń murasyn saqtaimyz jáne damytamyz» atty taqyrypta ótken ólketaný sándik-qoldanbaly shyǵarmashylyq baiqaýy deýge ábden negiz bar.
Atalmysh kórmeniń basty maqsaty - balalardyń sándik-qoldanbaly shyǵarmashylyǵyn damytýǵa jan-jaqty yqpal etý, ózara jarystyrý arqyly qatysýshylarǵa óz shyǵarmashylyq qabiletterin damytýǵa jáne tanytýǵa múmkindik berý, kórkemdik jáne sándik-qoldanbaly shyǵarmashylyq salasynda tájiribe almastyrý.
Kórmege Aqkól, Astrahan, Arshaly, Atbasar, Bulandy, Birjan sal, Esil, Jaqsy, Zerendi, Sandyqtaý, Tselinograd, Shortandy, Býrabai aýdandarynan jáne Kókshetaý, Stepnogorsk, Nur-Sultan qalalarynan barlyǵy 80 oqýshy qatysty.
Balalardyń shyǵarmashylyq jumystary san alýandylyǵymen jáne kompozitsiialyq tásilderiniń ereksheligimen tánti etti. Baiqaýǵa 150 kompozitsiia usynyldy. Taǵy bir erekshe ekpin túsire atap ótetin jait, kórme aiasynda ónerpaz daryndy balalarmen jumys júrgizý jónindegi oblystyq oqý-ádistemelik ortalyǵynyń pedagogy Larisa Ivanova jas daryndarǵa «Kúzgi saryn» sheberlik saǵatyn ótkizdi. Sheberlik saǵatynda balalar sýret óneriniń qyr-syryna boilap, tájiribe jinaqtady. Alty baǵyt boiynsha ózara baq synasqan júirikter arasynda «Jaramsyz materialdardan jasalǵan buiym» atalymynda Astrahan aýdanyndaǵy balalar men jastar shyǵarmashylyq úiiniń shákirti Júzim Muhambaeva júldeli 1 orynǵa ie bolsa, «Tabiǵi materialdardan jasalǵan buiym» baǵytynda Zerendi aýdany Shaǵalaly orta mektebiniń oqýshysy Diana Ábdirahmanova úzdik dep tanyldy. Al, «Turmysqa arnalǵan kreativti buiymdar» atalymynda Sandyqtaý aýdanyndaǵy balalar men jastar shyǵarmashylyq úiiniń oqýshysy Elena Gabidýlina 1 orynmen marapattaldy. «Ulttyq koloriti bar intererdiń erekshe dizain-jobasy» atalymynda Stepnogorsk qalasyndaǵy №3 kópsalaly mektep-litseiiniń oqýshysy Alina Kýdriavtseva «Matadan jasalǵan buiymdar» atalymynda Atbasar aýdanyndaǵy balalar men jastar ortalyǵynyń oqýshysy Ekaterina Liholetova úzdikter qatarynan kórindi. «Óńirdiń kórkemdik jáne halyqtyq qolóneri» atalymy boiynsha Zerendi aýdany, Elenovka orta mektebiniń oqýshysy Anastasiia Filippova qarym qabiletimen qazylar alqasyn tánti etip, 1 orynǵa ie boldy.
Jeńimpazdarǵa Aqmola oblysy bilim basqarmasynyń diplomdary men baǵaly syilyqtary tabys etildi. Osylaisha óńirimizdiń túkpir-túkpirinen jinalǵan ónerpaz balalar sýret áleminiń tylsym syryna tereńirek boilap, rýhani qýat alyp tarqasty.
Ulmeken Tynyshtyqqyzy
