Bekbolat Tileýhan Ystambuldaǵy Qazaqstan Respýblikasynyń Bas konsýldyǵy aldynda ózine jabylǵan jalaǵa jaýap berip, tólqujatyn kórsetti, - dep habarlaidy Massaget.kz.
"Kóńil ornynda, kók pasport qolymda! Jalaǵa jasymaimyz", - delingen Instagram-paraqshasynda.
"Mynaý - Ystambuldaǵy Qazaqstan Respýblikasynyń Bas konsýldyǵy, osynda bir sharýalarymmen keldim. Azamattyǵymdy aiyrbastaǵam joq. Qisynsyz jalaǵa senbeńizder. Kók pasportym qolymda, jumysym ornynda", - deidi ol videoda.
Bekbolat Tileýhanov Ystambulda jumysymen júrgenin, eshqandai pasport almaǵanyn aitty. Jeli qoldanýshylary ony qoldap, pikir jazǵan.
"Elge kelip, sport salasynda qyzmet etseńiz keremet bolar edi", "Qazaq tiliniń janashyry, aman bolyńyz, aǵa", "Kezinde halyqqa jaqpai qoiǵan keibir zańnamalardyń betin kaitarýǵa atsalysqanyńyz úshin dán rizamyz", "Jasai berińiz, aǵa", "Báke, jumysyńyz berekeli bolsyn", - dep jazǵan videoǵa pikir bildirýshiler.
