QR Prezidenti janyndaǵy Qazaqstandyq sstrategiialyq zertteýler institýtynyń (QSZI) ǵylymi qyzmetkeri Jasulanbek Mailybai Qordai oqiǵasy jóninde pikir bildirdi, dep habarlaidy "Ult aqpaarat".
«QR Tuńǵysh Prezidenti – Elbasy N.Á. Nazarbaev Qaýipsizdik Keńesiniń otyrysynda Qordaidaǵy oqiǵaǵa bailanysty el halqyna Úndeý joldady. El ishindegi tatýlyq qoǵamdyq turaqtylyq pen ekonomikalyq ósimniń alǵysharty bola alady. Tiisinshe, memlekettiń investitsiialyq tartymdylyǵy arta túsedi. Sondyqtan, qoǵamnyń áralýandyǵy kedergi emes, basymdyq retinde qaralýy kerek. Sebebi mádeni áralýandylyq eldiń damýyna, toleranttylyqqa, jańa bilimdi meńgerýge, básekege qabiletti bolýǵa kómektesedi. Osy jiynda ózara túsinistik pen jaýapkershilik seziminiń joǵary bolýy ortaq otanymyzdyń kórkeiýine jol ashatynyn Elbasy taǵy eske saldy», - dedi sarapshy.
Onyń aitýynsha, Qazaqstan – etnosaralyq qurmet pen túsinistiktiń taǵylymdy tarihy, ozyq dástúri saqtalǵan memleket. Mundai qarym-qatynas saiasaty ýaqyt óte kele turaqty ári jańasha zerdelenip otyrýy tiis. Elbasy N.Á. Nazarbaev atalǵan máseleden memlekettik organdar ǵana emes, qoǵam, ár býyn ókili qalys qalmaýy kerek ekenin jetkizdi.
«Aǵa men jas býyn arasyndaǵy sabaqtastyqtyń saqtalýy mańyzdy. Muny Qordai oqiǵasy kórsetti. Aldyńǵy býynnyń ómirlik tájiribesi keiingi urpaqqa qajet ekenin baǵamdaýǵa bolady. Sonymen birge, elimizdegi ult pen ulys máselesiniń sitýatsiialyq reaktsiiamen emes, josparly, keshendi, turaqty sharalar negizinde iske asyp otyrýy mańyzdy ekenin kóremiz», - dedi J. Mailybai.
