Qoǵamnyń azamattyq jáne áskeri áskeri orta bolyp ekige bólinetini barshaǵa aian. Áskeri ujym, sol azamattyq qoǵamdy qorǵaýǵa, oǵan tóngen qaýipten arasha bolýǵa mindettelgen orta.
Áskeri ortanyń óziniń qalyptasqan qundylyqtary, talapttary, dástúrleri bar. Erekshe mindettemeler júktelgennen son azamattyq ómirge qaraǵanda suranys ta, jaýapkershik te joǵary.
Al áskeri ortada qoǵamdyq úiymdardyń atqaratyn qyzmettik mindetteri zor. Atap aitqanda, olardyń qatarynda – Áielder keńesi, Ardagerler keńesi, Ofitserler jáne Kelisimshart negizindegi áskeri qyzmetshilerdiń jiyny, Jastar belsendiligi ortalyqtary ujymdaǵy beldi mindetti atqaratyny ras. Máselen, bul qoǵamdyq úiymdar tárbie isinde taptyrmas negizgi tutqa. Ardagerler keńesin alaiyq, bul qoǵamdyq birlestiktiń negizgi qyzmetti de tárbie isimen qat-qabat astasyp, tarmaqtalyp jatyr. Ónege, úlgi degenniń barlyǵy da aǵa býynnyń jas býynǵa úiretýimen úilesimin tabatyny sózsiz.
Al ofitserler quramy men kelisimshart negizindegi qyzmetkerlerdiń basyn qosqan alqaly keńester ár túrli máselelerdi túbegeili sheshýdiń uiytqysy. Máselen, qýanyshqa, ne bolmasa alda jalda qaiǵyǵa jolyqqan áriptesterine kómek kórsetý, bolmasa tártiptsizdiktiń aldyn alý, bolmasa taǵysyn taǵy ómirdiń aǵysynan týyndaityn sansyz jaǵdailarǵa bailanysty shuǵyl sharalar, retteýshilik maqsattaǵy mindetterdi áýeli osy uiymdar júzege asyratyny belgili. Al jas sarbazdardyń arasynda Jastar belsendiligi ortalyǵynyń atqaratyn isi ushan-teńiz, ári aýdai qajet dúnie.
Shildeniń 5-i kúni Ulttyq ulan «Ońtústik» óńirlik qolbasshylyǵynyń 5571 áskeri bóliminde óńirlik qolbasshylyq qolbasshysynyń tárbie jáne áleýmettik-quqyqtyq jumystar jónindegi orynbasary polkovnik Sabyrjan Súleimenov ońtústik astanadaǵy baǵystaǵy áskeri bólimderdiń qoǵamdyq uiym ókilderimen kezdesý uiymdastardy. Atap aitqanda, sharaǵa 5571, 5572, 3650, 7552 áskeri bólimderindegi qoǵamdyq uiymdarynyń músheleri qatysty.
Óńirlik qolbasshylyqtyń bas tárbiesishi, aldymen sharaǵa qatysýshylardyń atqaryp otyrǵan isterine zor mán bere kelip:
- Sizder kúndelikti qyzmettik-laýazymdyq mindetterińizden ózge osy uiymdar arqyly ujymdaǵy dostyq, tatýlyq, tártip, adamgershilik qundylyqtaryn nasihattaýǵa, ujymdaǵy moraldyq-pisihologiialyq jaǵdaidy qalypty deńgeide ustaýǵa zor úles qosyp kelesizder. Al búgingi alqaly jiynǵa jinalýymyzdyń basty sebebi, aldaǵy jumystarymyzdy bir júiege keltirý, ortaq pikir alysý, tyń jetistikterge jetken áriptesterimizdiń oń tájiribesin talqylaý bolyp tabylady, - dep atap ótti.
Sońynda laýazymdy tulǵa óziniń mindetterin úlgili atqaryp, ujymdy patriottyq rýhta tárbieleý isine erekshe úles qosqan áskeri qyzmetshilerge Ulttyq ulan Bas qolbasshysynyń tárbie jáne áleýmettik-quqyqtyq jumystar jónindegi orynbasary general-maior Muhametqali Satovtyń Alǵys hattaryn tabys etti.
Maior Arman ÁÝBÁKIROV,
Almaty qalasy
