CC0 / Robin Higgins /
Qazaqstanda qoǵamdyq orynda bylapyt sóz aitqandardyń áreketi usaq buzaqylyq dep tanylyp, aiyppul ne qamaýǵa alý túrinde jaza kóbeiýi múmkin. Bul týraly IIM Ákimshilik politsiia komiteti basqarmasy basshysynyń orynbasary Azamat Kúrimbaev aitty, - dep habarlaidy Tengrinews.kz portaly.
"Ákimshilik quqyq buzýshylyq kodeksiniń jańa redaktsiiasynda qoǵamdyq oryndarda bylapyt sózder aitý, jeke tulǵalardy qorlaý jáne olarǵa qysym kórsetý, ǵimarattardy, qurylystardy, turǵyn úi-jailardy, ortaq paidalaný oryndaryn, kóliktegi jáne qoǵamdyq oryndardaǵy múlikti qorlaý jáne ainalasyndaǵylarǵa qurmetsizdik bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndai áreketter usaq buzaqylyq bolyp sanalady", - dedi Qurymbaev brifingte.
Onyń sózinshe, búginde usaq buzaqylyqqa 5 AEK - 17 250 teńge aiyppul nemese 15 táýlikke deiin qamaý túrindegi jaza taǵaiyndalady. Al jańa redaktsiia boiynsha, aiyppul 20 AEK - 69 myń teńge jáne 5-30 táýlikke qamaýǵa alý túrindegi jaza qarastyrylady.
Túzetýler alǵashqy resmi jariialanǵannan keiin 60 kún ótken soń qoldanysqa engiziledi.
