Qoǵamdyq monitoring aiasynda memlekettik qyzmet kórsetý baǵytynda ortalyq organdardyń reitingi jasaldy, dep habarlaidy "Ult aqparat".
«Qoǵamdyq monitoring qorytyndysy boiynsha memlekettik qyzmet kórsetý baǵytynda ortalyq organdardyń reitingi jasaldy. Olarda Ulttyq qaýipsizdik komiteti, Indýstriia jáne infraqurylymdyq damý ministriligi (ortasha ball 4,99 jáne 4,95 sáikesinshe) kóshbasshy bolyp otyr. Reitingte Tsifrlyq damý, qorǵanys jáne aeroǵarysh ónerkásibi ministrligi, Energetika ministrligi, Ulttyq bank, Qorǵanys ministrligi, Ulttyq ekonomika ministrligi joǵary pozitsiialarda», - delingen Memlekettik qyzmet isteri jónindegi agenttiktigi málimetinde.
Agenttik málimetinshe, negizinen azamattardyń narazylyǵy keri bailanys sapasyna, memlekettik qyzmet merzimine, sondai-aq qyzmet kórsetýshi qyzmetkerler quzireti men jedeldiginiń jetispeýshiligine bailanysty boldy.
«Monitoring qorytyndysy boiynsha memlekettik qyzmet kórsetý tártibin jaqsartý, sonyń ishinde olardy jeńildetý, qujattar tizimi men merzimin qysqartý, biznes-protsesterdi avtomattandyrý jáne ońtailandyrý úshin usynymdar pysyqtaldy. Turǵyndardyń memlekettik qyzmet kórsetý sapasy boiynsha qanaǵattanýy deńgeii 74,8 paiyz (bes baldyq baǵan boiynsha ortasha baǵa 4,73 baldy qurady) bolsa, bul ótken jylǵydan 2,4 paiyzǵa joǵary», - delingen habarlamada.
Mamandardyń pikirinshe, turǵyndarǵa qyzmet kórsetýmen bailanysty «Azamattarǵa arnalǵan úkimet» memlekettik korporatsiiasy men memlekettik organdar jumysyn ońtailandyrý jónindegi jumystardy jalǵastyrý qajet. Bul jerde Memlekettik korporatsiia filialdary men memlekettik organdar arasyndaǵy sapaly ózara bailanys ta mańyzdy.
«Ókiletti memlekettik organdarǵa qatysty aitar bolsaq, onda elektrondyq memlekettik qyzmet kórsetý «bir tereze» qaǵidatyna tolyq sáikes kelýi jáne ákimshiliktik kedergilerge jol bermeýi tiis. Mysaly, elektrondyq ótinish berýdiń keibir jaǵdailarynda qyzmet alýshynyń qujattardy jetkizip berý, kórsetiletin qyzmet qorytyndysyn alý jáne ózge de qyzmetter úshin memlekettik organdarǵa jeke barýyna týra keledi. Qyzmet kórsetýshiler bul málimetterdi memlekettik organdardyń bazasynan ózderi suratyp alýy qajet. Bul litsenziialardy, ruqsattamalardy, qorytyndylardy, anyqtamalardy jáne ózge de qujattardy jinaý men berýmen bailanysty kóptegen protsesterdi aitarlyqtai jedeldetýge jáne jeńildetýge múmkindik beredi», - dep atap ótilgen agenttik usynysynda.
Sonymen qatar, úide beriletin memlekettik qyzmetter tizimin keńeitý múmkindigin qarastyrý qajettigi aityldy. Sondai-aq úiinde otyryp qyzmet alýǵa quqyǵy bar azamattar kategoriiasy tizimin keńeitý kerek. Óitkeni múgedekterge ǵana emes, sonymen qatar jasy boiynsha zeinetke shyqqandar, kópbalaly analar úshin qyzmet kórsetý oryndaryna barý keibir qiyndyqtardy týdyrady.
Budan buryn habarlanǵandai, Qazaqstanda memlekettik qyzmet kórsetý sapasyn monitoringileý boiynsha áleýmettik zertteýler júrgizý aiaqtaldy.
Ol Memlekettik qyzmet isteri jónindegi agenttiktiń memlekettik áleýmettik tapsyrysy aiasynda atqaryldy. Qoǵamdyq monitoring qorytyndysy boiynsha reitingte eń joǵary baǵa alǵan memlekettik qyzmetter anyqtaldy.
