Qoǵamdyq keńesterdiń jumysyn retteitin kazkenes.kz atty biryńǵai sait ázirlendi, dep habarlaidy QazAqparat.
Bul týraly QR Aqparat jáne qoǵamdyq damý vitse-ministri Bolat Tilepov ortalyq kommýnikatsiialar qyzmetinde ótken brifingide aitty.
«Qoǵamdyq keńestiń kúndelikti atqaryp júrgen jumysyn elge keńinen jetkizýdiń mańyzy óte zor jáne dástúrli aqparat kózderimen onyń bárin qamtý óte qiyn. Azamattar óz máselesimen qoǵamdyq keńesterge júginýi úshin, másele kóterip, onyń sheshimin qadaǵalap otyrýy úshin biryńǵai qoldanýǵa óte yńǵaily aqparat resýrsynyń bolýy óte mańyzdy. Sol sebepti bizdiń ministrliktiń tapsyrysymen kazkenes.kz saitynyń jobasy jasalyp, búgin mine, nazarlaryńyzǵa usynylyp otyr», - dedi Bolat Tilepov.
Onyń sózine qaraǵanda, kvazimemlekettik kásiporyndardyń janynan da qoǵamdyq keńester qurylyp jatyr.
«Qoǵamdyq keńester búkil aktsionerlik qoǵamdarda tolyqtai qurylyp, jumysyn bastap ketti. Jyldyń aiaǵyna deiin eń úlken sýbekt – «Samuryq Qazyna» ulttyq ál-aýqat qorynda qurylady», - dedi vitse-ministr.
