قوعامدىق كەڭەستەردٸڭ جۇمىسىن رەتتەيتٸن kazkenes.kz اتتى بٸرىڭعاي سايت ەزٸرلەندٸ, دەپ حابارلايدى قازاقپارات.
بۇل تۋرالى قر اقپارات جەنە قوعامدىق دامۋ ۆيتسە-مينيسترٸ بولات تٸلەپوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى.
«قوعامدىق كەڭەستٸڭ كٷندەلٸكتٸ اتقارىپ جٷرگەن جۇمىسىن ەلگە كەڭٸنەن جەتكٸزۋدٸڭ ماڭىزى ٶتە زور جەنە دەستٷرلٸ اقپارات كٶزدەرٸمەن ونىڭ بەرٸن قامتۋ ٶتە قيىن. ازاماتتار ٶز مەسەلەسٸمەن قوعامدىق كەڭەستەرگە جٷگٸنۋٸ ٷشٸن, مەسەلە كٶتەرٸپ, ونىڭ شەشٸمٸن قاداعالاپ وتىرۋى ٷشٸن بٸرىڭعاي قولدانۋعا ٶتە ىڭعايلى اقپارات رەسۋرسىنىڭ بولۋى ٶتە ماڭىزدى. سول سەبەپتٸ بٸزدٸڭ مينيسترلٸكتٸڭ تاپسىرىسىمەن kazkenes.kz سايتىنىڭ جوباسى جاسالىپ, بٷگٸن مٸنە, نازارلارىڭىزعا ۇسىنىلىپ وتىر», - دەدٸ بولات تٸلەپوۆ.
ونىڭ سٶزٸنە قاراعاندا, كۆازيمەملەكەتتٸك كەسٸپورىنداردىڭ جانىنان دا قوعامدىق كەڭەستەر قۇرىلىپ جاتىر.
«قوعامدىق كەڭەستەر بٷكٸل اكتسيونەرلٸك قوعامداردا تولىقتاي قۇرىلىپ, جۇمىسىن باستاپ كەتتٸ. جىلدىڭ اياعىنا دەيٸن ەڭ ٷلكەن سۋبەكت – «سامۇرىق قازىنا» ۇلتتىق ەل-اۋقات قورىندا قۇرىلادى», - دەدٸ ۆيتسە-مينيستر.
