Qoǵamdyq baqylaý toby Batys Qazaqstan oblysyna baryp, qandai dári-dármek, meditsinalyq qural kerek ekenin anyqtaý úshin birqatar nysanda bolyp qaitty, dep habarlaidy "Ult aqparat".
«BQO Qoǵamdyq baqylaý toby men volonterler oblystyq kópsalaly aýrýhanaǵa, dári-dármek saqtalyp turǵan dárihanaǵa bardy. Provizorlyq statsinarda jatqan naýqastardyń týǵan-týystarymen kezdesti. Sońǵy kúnderi provizorǵa dári-dármek kelip jatyr, kómekshi retinde sanitarlar kerek», - deidi BQO qoǵamdyq baqylaý úilestirýshisi Aigúl Týrkina.
Onyń aitýynsha, qoǵamdyq baqylaý toby qarttar úiine de barǵan.
«Biz qarttar úiiniń basshylyǵymen kezdesip, mekemedegi jaǵdai qalai ekenin kórdik. Qazirgi ýaqytta mekeme karantinde, oǵan №4 qalalyq emhana qyzmet kórsetedi. Onda jedel járdem jáne osy jerdegi qarttarǵa qaraityn dáriger bekitilgen. Dári-dármek jetispeýshiligi joq. Koronavirýspen aýyratyndar da joq. 3 adam izoliatorda. Azyq-túlik jetkilikti, jemis-jidek te bar», - deidi BQO Qoǵamdyq baqylaý úilestirýshisi.
Qarttar úiindegi basty másele - jalaqynyń azdyǵy jáne ǵimaratqa jóndeý jumystary júrgizilmegendigi.
«Tiisti organǵa habarlasyp edik, olar ǵimaratqa jóndeý jumysyn jasaýǵa daiyndyq júrip jatqanyn aitty. Qoǵamdyq baqylaýdyń bastamasymen jáne oblystyq ákimdiktiń qoldaýymen internat turǵyndary úshin 5 kontsentrat ákelindi. Ol ártúrli derti bar qariialarǵa kerek bolyp qalady», - deidi ol.
