Elordada «Otbasy institýtyn damytý: Qoǵam, biznes, memleket» taqyrybyndaǵy alǵashqy koých-sessiia ótýde, dep habarlaidy QazAqparat.
« Men kún saiyn qoqysqa tastalǵan sábi, balalar men eresekter arasyndaǵy sýitsidtiń kóbeiýi, mektepten úiine kelgen jasóspirimniń ózine qol jumsaǵany týraly aitamyn. Osyndai jańalyqtardy aitqan saiyn ózime «Nege bulai bolyp jatyr? Qoǵamǵa ne bolǵan?» degen suraq qoiamyn», - deidi jýrnalist Sandi Sultan.
Sheshendik óner boiynsha sabaq beretin jýrnalist jaqyn adamyńa ony jaqsy kóretinińdi jii aitý qanshalyqty mańyzdy ekenin aitty.
«Sheshendik ónerden sabaq bergende diktsiiany durys qoiýdy ǵana úiretpeimin. Men psiholog bola bilemin. Kei oqýshy qyzdarǵa anasy «Sen ádemi emessiń, sondyqtan seni telearnaǵa jumysqa almaidy» deidi eken. Osydan keiin qyz bala ózine senimsiz bolyp, búkireiip júre bastaidy. Men olarǵa ózine senimdi bolýǵa úiretip, ár adamnyń óz ereksheligi bar ekenin túsindiremin», - deidi ol.
Ol elimizge otbasylyq qundylyqtardy damytatyn institýttar kerek ekenin aitty.
«Qoǵam otbasylyq qundylyqtardy damytatyn institýttarǵa muqtaj. Elimizde Dýlat pen Dana Ábildinovter otbasy osyndai institýt ashty. Men dál osy otbasynyń úlken jaýapkershilik arqalaǵany úshin qýanyshtymyn. Bul sharadan tanystarymdy, oqýshylarymdy kórdim. Biz ózimiz ómir súrip jatqan qoǵamdy baqyttyraq etkimiz keledi. Bul óte mańyzdy», - deidi Sandi Sultan.
