Áleýmettik jelide Rizabek Battalulynyń «áieldi jónge salýǵa» qatysty ýaǵyzy keńinen talqylanýda. Qazaqstan musylmandary dini basqarmasy osy máselege qatysty óz ustanymyn bildirdi, dep habarlaidy "Ult aqparat".
QMDB-nyń baspasóz hatshysy Aǵabek Qonarbaiulynyń aitýynsha, əleýmettik jelide taraǵan beinejazba osydan úsh jyl buryn túsirilgen.
«Birinshiden, osy video qazir qandai "qajettiliktiń" negizinde qaita jariialanyp jatqanyn óz basym túsinbedim.
Ekinshiden, Rizabek Battaluly osyǵan deiin imamdyq qyzmette bolmaǵan. Aqparattyq-nasihat tobynyń múshesi retinde jamaǵat tarapynan túsken saýalǵa azamattyq kózqarasyn bildirgen. Búginde Almatydaǵy «Nur Múbərak» ýniversitetinde qyzmet etip júrgen R.Battalulyn «imam» dep ataý - tilshiler tarapynan ketken qate aqparat. Buǵan jol bermeńizder!
Úshinshiden, kez kelgen ýaǵyzshynyń shariǵattaǵy shetin, názik məseleni óz tanymy men tabiǵatyna salyp túsindirýine jol berilmeidi. Bul - jeńil jaýap bere salatyn jaǵdai emes. Dindi adamdarǵa qorqytyp emes, súiinshilep jetkizińder nemese senderdiń aralaryńdaǵy eń qaiyrlylaryń - əielderińe jaqsy qaraǵandaryń degen maǵynada keletin hadister halyqqa kóbirek nasihattalýy tiis», - dep jazdy A.Qonarbaiuly óziniń jeke paraqshasynda.
Onyń sózine qaraǵanda, qazirgi kezde Qazaqstan musylmandary dini basqarmasy ýaǵyz aitýdyń tərtibine qatysty arnaiy erejeni ázirleýge kiristi. «Jaǵymsyz minez kórsetken jarymyzǵa kórkem túrde túsindirý, oǵan nasihat aitý, shynaiy janashyrlyq sezimińdi jetkizý, tósekte jalǵyz qaldyrý, dáleldengen aiyby úshin ýaqytsha sóilemei qoiý, taǵy basqa tərbieniń ədep sheńberindegi amaldar qamshynyń soqqysynan asyp túsetin təsilder. Qiyny - qisyq qabyrǵany túzeimin dep ony syndyryp alý. Əieldi kúshpen baǵyndyrý - sharasyzdyq, bəlkim əlsizdik. R.Battalulynyń sózin qoǵam qabyldamai jatsa - bul tabiǵi qubylys.
Tórtinshiden, Qazaqstan musylmandary dini basqarmasy ýaǵyz aitýdyń ədebi men tərtibine qatysty arnaiy Erejeniń jobasyn əzirleýde. Tərtip Erejesi ýaǵyz aitýdyń biryńǵai júiesin qalyptastyrýǵa yqpal etedi», - dep atap kórsetti A.Qonarbaiuly.
Aita keteiik, áleýmettik jelide taraǵan beinejazbada «Nur Múbərak» ýniversitetiniń qyzmetkeri Rizabek Battaluly shariǵat boiynsha áieldi jónge salýdyń úsh jolyn túsindiredi. Onyń aitýynsha, aldymen nasihat aitý kerek. Odan keiin bólek jatyp, jónge salyp kórýge bolady. Oǵan kónbese, urýǵa bolady. Osy oraida, R.Battaluly qazaqtyń tórinde ilinip turatyn qamshyny úshinshi tásildi eske salatyn qural retinde qarastyrý qajet dep sanaidy.
Osydan eki jyl buryn R.Battalulynyń osy máselege qatysty taǵy bir beinejazbasy jariialanǵan bolatyn. Sol jerde ol úsh tásildi táptishtep aityp shyqqan.
