Jelide erlerge arnalǵan kostiým týraly aitqan er adamnyń videosy tarady, - dep habarlaidy Massaget.kz.
Videoda er adam kostiým-shalbardyń tarihyn qaraý keregin aitady.
"Erkekter bar kostiým-shalbar kietin. Kostiým-shalbar kietin erkekter, sizder bilińizder, kostiým-shalbardyń tarihyn qarańyzdar, izdenińizder. Ol kezinde "golýboidyń" kiimi bolǵan. Artynda uzyn syzyq bolady, bilesizder me? Sony tigip tastap, eki jaq qyrynan jyrtyp, tiktirip alyńyzdar", - deidi videodaǵy adam.
Pikir bildirýshiler arasynda "bul kim" dep suraǵandar da tabylǵan. QMDB ókili osy jaǵdaiǵa qatysty pikir bildirdi.
"QMDB qyzmet júiesinde mundai adam jumys istemeidi. Iaǵni, imam qyzmetine qatysy joq. Qazir ǵana resmi málimet alyndy. Pikir bildirýshi azamattardy imamdar týraly baisaldy pikir jazýǵa shaqyramyn", - dedi Aǵabek Qonarbaiuly.
Sondai-aq, Pátýa bóliminiń ókili erlerge arnalǵan kiim úlgisi týraly túsindirdi.
"Qurani Kárimde Alla Taǵala bylai deidi: "Ýa Adamnyń úrim butaǵy! Senderge uiatty jerlerindi jabatyn hám kigende ózderińdi kórikti etetin kiim túsirdik" (Aǵraf súresi 26 aiat). Bul aiattan túsinetinimiz - áýretimizdi jabatyn kiim túsirýi. Iaǵni áýretimizdi jabatyn kiim kiiýge zárýmiz. Ekinshi, adam balasyn ásemdep turatyn kiimdi túsirýi, iaǵni basqa adamdar qaraǵanda kórikti bolyp, kiim kiiýdi kemeldikke jetýimiz úshin túsirgen.
Er adamnyń kiim kiiý sharttary: áýretti jerlerin jabýy kerek jáne kiimine qaraǵanda áýreti kórinetindei juqa bolmaýy kerek. Kiiminde jibek nemese altyn bolmaýy qajet. Sonymen qatar, áielderdiń kiimine uqsamaýy kerek. Iaǵni dál áielder kietin kiimderdei bolmaýy lázim. Jalpy kostiým-shalbarǵa tyiym joq. Ár memlekettiń ózderine tán jergilikti kiim úlgileri bolady. Sony saqtap, ádeptilik sheńberinen shyqpasa bolǵany", - dedi ol.
