Foto: ashyq derekkózden
Qarjylyq monitoring agenttigi telefon arqyly jasalǵan alaiaqtyq faktileri týraly habarlaidy, -dep habarlaidy "Ult Aqparat".
Alaiaqtar telefon qońyraýlary nemese habarlama jiberý arqyly ózderin QMA qyzmetkerleri retinde tanystyrýy múmkin.
Suhbat barysynda Qazaqstan rezidentteriniń qarajatyn banktik shottardan qylmystyq jolmen alýdyń ártúrli shemalaryn syltaý etip, alaiaqtyqtyń yqtimal belgilerine jáne QMA tarapynan qoiylǵan shekteýlerge bailanysty bankterdegi shottar boiynsha operatsiialardy toqtata turý týraly habardar etedi.
Ári qarai, alaiaqtar banktik shottardyń rekvizitterin, zańmen qorǵalatyn jáne qupiia, jariia etilmeitin derekterdi usynýdy suraidy.
Áńgimelesý barysynda jábirlenýshige Agenttik atynan jalǵan qujattar jiberiledi, onda memlekettik organnyń qoly, ataýy, móri men rekvizitteri ornalastyrylady. Bul rette, qońyraý shalýshylar óz áreketteri jaily eshkimge habarlamaýyńyzǵa keńes beredi.
Qarjylyq monitoring agenttigi jeke tulǵalardyń shottaryna qyzmet kórsetpeitinin, aqshalai esep aiyrysýlar/operatsiialar júrgizbeitinin jáne jeke tulǵalarmen bailanys ornatýǵa baǵyttalǵan qyzmetti júzege asyrmaitynyn resmi túrde málimdeidi.
Eger siz alaiaqtyq shemalarǵa tap bolsańyz, sondai-aq uialy telefonyńyz ben ondaǵy derekterdiń urlanýyn boldyrmaý úshin QMA mundai habarlamalardy elemeýdi jáne quqyq qorǵaý organdaryna nemese Agenttiktiń Call-ortalyǵyna (1458) habarlasýdy suraimyz.
