«7-20-25» ipotekalyq baǵdarlamasy resmi iske qosylǵannan beri turǵyn úi naryǵynda báseke jandandy. Jurtshylyq jappai memlekettik baǵdarlamaǵa qujat tapsyryp jatqanyn ańdaǵan jeke qurylys kompaniialary «7-20-25» baǵdarlamasymen báselekelese alatyn tiimdi sharttaryn usynýda.
Máselen, Aqtaý qalasyndaǵy sondai jeke kompaniialardyń biri halyqqa ústemaqysyz bes jylǵa bólip tóleýge múmkindik beretin baǵdarlamany iske qosty. Alǵashqy klientteri qoldaryna úidiń kilti men qujatyn alyp, baspanalaryna qonystandy. Basty artyqshylyq paiyz joq. Bólip tóleýdiń jylyn uzartýǵa bolady.
Halyqqa qolaily sharttaryn usynǵan «Niet stroi servis» JShS jáne «Alma- real partnership» qurylys kompaniiasynyń direktory Sángúl Amanjolovanyń aitýynsha, talap boiynsha jańa páterdiń iesi alǵashqy jarna retinde negizgi qunnyń 30 paiyzyn tóleý kerek, al qalǵan 70 paiyzynan 5 jyl ishinde qutylýy tiis.
Ol óz sózinde: «Baspanaǵa muqtaj halyqqa kiltin, úiiniń qujattaryn tabystap jatyrmyz. Bul jerde biz bank emespiz. Ústine paiyz qosa almaimyz. Paiyz qosqanda emespiz. Qospaimyz da», - dep, tiimdi sharttyń halyq úshin paidasy zor ekenine toqtaldy. Sebebi, jaqynda osy kompaniia jaqynda 5 otbasyǵa ózderi alǵa tartqan shart boiynsha páter kiltin tabys etti.
Al, alǵashqy 30 paiyzyn tólep, qalǵan 70 paiyzyn 5 jylda esh paiyzsyz tóleýge múkindik alǵan Aqtaý qalasynyń turǵyndary kompaniia ókilderine rahmetin aityp, rizashylyǵyn bildirýde.
Aigúl Tóleeva, Aqtaý qalasynyń turǵyny:
- Bizge múmkindik berip, armanymyzdy oryndaýǵa qol úshin bergen qurylys kompaniiasyna alǵysymyz sheksiz. Baspanaǵa zárý kez-kelgen turǵyn men jastarǵa bul bastama tiimdi dep oilaimyn. Bes jyl boiy esh ústemaqysyz tóleimiz. Paiyzsyz óz baǵasyna satyp jatqandaryna kóp rahmet!
Ivan jáne Olga Zenchenka, Aqtaý qalasynyń turǵyndary:
- Bir qaraǵanda sený qiyn. Óitkeni, baspanaǵa arnalǵan qandai baǵdarlama bolmasyn, barlyǵynda paiyz qosylady. Naryq zańdylyǵynda ár dúnieni paiyzsyz elestetý múmkin emes qoi. Biraq, biz esh paiyzsyz baspanaǵa ie bolyp otyrmyz. Qatty qýanyshtymyz! Bul halyqqa tiimdi, paidaly is dep esepteimin.
«Niet stroi servis» JShS jáne «Alma- real partnership» qurylys kompaniiasynyń direktory Sángúl Amanjolovanyń habarlaýynsha, biyl tiimdi shartpen baspanaǵa qol jetkizetin jandardyń qatary artpaq. Sebebi, qurylys kompaniiasy osy jyldyń sońynda bir kópqabatty turǵyn úidi qoldanysqa berýdi josparlap otyr. Negizinde Aqtaýdaǵy 16-shaǵyn aýdannan 0,5 gektarlyq eki jerden qurylys bastalǵan. Al, birinshi bolyp satyp alýshylarǵa berilip jatqan turǵyn úi 11 qabattan turady. Bul úide 180 páter ornalasqan. Eń bastysy, úidiń baǵasy da kóńilge qonymdy. Páterdiń 1 sharshy metri 120 myń teńgege teń. Qazirgi ýaqytta mundai baǵa halyqtyń qaltasyna aýyrlyq túsirmeitini aqiqat. Árine, 2016-2017 jyldary 150-160 myń, tipti 180 myń teńgeden satylǵan kezder bolypty. Alaida, artyq paidadan góri baspanaǵa muqtaj jandardyń qamyn oilaǵan kompaniia basshylyǵy ol baǵany tómendetipti.
