Búgin elordalyq «Barys» qurlyqtyq hokkei ligasyndaǵy kezekti kezdesýinde Reseidiń «Salavat Iýlaev» komandasyn qabyldady, dep habarlaidy "Ult aqparat".
«Salavat Iýlaev» - elordalyq klýb úshin qolaisyz qarsylatyń biri. Búgingi kúnge deiin eki komanda 42 márte muz aidynǵa shyqty. Onyń nebári 15-de «Barys» jeńiske jetse, qalǵanynda qarsylas komanda basym tústi. Aita keterligi, sońǵy úsh kezdesýde elordalyq hokkeishiler jeńis seriiasyn jalǵastyryp keledi.
Búgingi kezdesý de «Barys» úshin sátti bastaldy. Oiynnyń 4-minýtta Dastin Boid esep ashty. Al 8-minýtta reseilik klýb sapynan Vladislav Karataev tarazy basyn teńestirdi. Al 14-minýtta Dastin Boid «Barysty» taǵy da alǵa shyǵardy.
Ekinshi kezeńde qos komanda tartysty oiyn kórsetti. Oiynnyń 26-minýtynda «Barys» sapynan Arkadii Shestakov mergendigin kórsetti. «Salavat Iýlaev» sapynan 27-minýtta Aleksandr Kadeikin óz sheberligin kórsetip, aidyn ieleri qaqpasynan sańylaý tapty.
Úshinshi kezeńde de eki komanda da tartysty oiyn kórsetti. Reseilik klýb sapynan 42-minýtta Viacheslav Solodýhin tarazy basyn teńestirdi. Oiynnyń sońyna taman «Barys» hokkeishileri qatarynan eki shaiba soǵyp ketti. Aldymen 55-minýtta Arkadii Shestakov búgingi kezdesýdegi ekinshi golynyń avtory atansa, 56-minýta Atte Oktamaa esepti ulǵaita tústi. Osylaisha elordalyq klýb qarsylasynan 5:3 esebimen basym tústi.
Budan buryn «Barys» elordada overtaimda «Lokomotivten» basym túsken bolatyn.
«Barys» endi elordada 16 qańtarda «Metallýrg» (Magnitogorsk) komandasyn qabyldaidy. Al 21 qańtarda Finliandiiada «Iokerit» komandasymen kezdesedi.
