بٷگٸن ەلوردالىق «بارىس» قۇرلىقتىق حوككەي ليگاسىنداعى كەزەكتٸ كەزدەسۋٸندە رەسەيدٸڭ «سالاۆات يۋلاەۆ» كومانداسىن قابىلدادى, دەپ حابارلايدى "ۇلت اقپارات".
«سالاۆات يۋلاەۆ» - ەلوردالىق كلۋب ٷشٸن قولايسىز قارسىلاتىڭ بٸرٸ. بٷگٸنگٸ كٷنگە دەيٸن ەكٸ كوماندا 42 مەرتە مۇز ايدىنعا شىقتى. ونىڭ نەبەرٸ 15-دە «بارىس» جەڭٸسكە جەتسە, قالعانىندا قارسىلاس كوماندا باسىم تٷستٸ. ايتا كەتەرلٸگٸ, سوڭعى ٷش كەزدەسۋدە ەلوردالىق حوككەيشٸلەر جەڭٸس سەريياسىن جالعاستىرىپ كەلەدٸ.
بٷگٸنگٸ كەزدەسۋ دە «بارىس» ٷشٸن سەتتٸ باستالدى. ويىننىڭ 4-مينۋتتا داستين بويد ەسەپ اشتى. ال 8-مينۋتتا رەسەيلٸك كلۋب ساپىنان ۆلاديسلاۆ كاراتاەۆ تارازى باسىن تەڭەستٸردٸ. ال 14-مينۋتتا داستين بويد «بارىستى» تاعى دا العا شىعاردى.
ەكٸنشٸ كەزەڭدە قوس كوماندا تارتىستى ويىن كٶرسەتتٸ. ويىننىڭ 26-مينۋتىندا «بارىس» ساپىنان اركاديي شەستاكوۆ مەرگەندٸگٸن كٶرسەتتٸ. «سالاۆات يۋلاەۆ» ساپىنان 27-مينۋتتا الەكساندر كادەيكين ٶز شەبەرلٸگٸن كٶرسەتٸپ, ايدىن يەلەرٸ قاقپاسىنان ساڭىلاۋ تاپتى.
ٷشٸنشٸ كەزەڭدە دە ەكٸ كوماندا دا تارتىستى ويىن كٶرسەتتٸ. رەسەيلٸك كلۋب ساپىنان 42-مينۋتتا ۆياچەسلاۆ سولودۋحين تارازى باسىن تەڭەستٸردٸ. ويىننىڭ سوڭىنا تامان «بارىس» حوككەيشٸلەرٸ قاتارىنان ەكٸ شايبا سوعىپ كەتتٸ. الدىمەن 55-مينۋتتا اركاديي شەستاكوۆ بٷگٸنگٸ كەزدەسۋدەگٸ ەكٸنشٸ گولىنىڭ اۆتورى اتانسا, 56-مينۋتا اتتە وكتاماا ەسەپتٸ ۇلعايتا تٷستٸ. وسىلايشا ەلوردالىق كلۋب قارسىلاسىنان 5:3 ەسەبٸمەن باسىم تٷستٸ.
بۇدان بۇرىن «بارىس» ەلوردادا وۆەرتايمدا «لوكوموتيۆتەن» باسىم تٷسكەن بولاتىن.
«بارىس» ەندٸ ەلوردادا 16 قاڭتاردا «مەتاللۋرگ» (ماگنيتوگورسك) كومانداسىن قابىلدايدى. ال 21 قاڭتاردا فينلياندييادا «يوكەريت» كومانداسىمەن كەزدەسەدٸ.
