Maslenitsa – qyspen qoshtasyp, kóktemdi qarsy alý merekesi. Bul merekeniń túp tamyry praslavian kezeńinen negiz alady. Sondai-aq, Maslenitsada ótkizilgen rásimder Kóktemniń Qysty jeńýine yqpal etedi degen senim qalyptasqan. Kóktem mezgili bastalysymen Nur-Sultan qalasy Qazaqstan halqy assambleiasynyń uiymdastyrýymen elorda Dostyq úiinde Maslenitsa merekesi atap ótti, - dep habarlaidy «Ult aqparat».
Qazaqstanda turyp jatqan etnostardyń ádet-ǵuryptary men salt-dástúrlerin qurmetteý, olardyń mádenietaralyq úlgisin kórsetý, qoǵamdaǵy halyqaralyq kelisimdi jáne turaqtylyqty nyǵaitý maqsatynda uiymdastyrylǵan merekelik sharaǵa bir apta boiyna jalǵasady. Óitkeni Maslenitsa bir kún emes, apta boiy toilanady. Ári ár kúndi toilaýdyń ózindik ereksheligi bolady. Dúisenbi – kezdesý kúni, seisenbide oiyn oinalady, sársenbide tátti tamaq pisirilse, beisenbide serýen bastalady, al jumada kúieý jigit qaiyn eneniń úiinde qonaqta bolsa, senbi qaiyn apa (qaiyn sińli) shańyraǵynda júzdesý, al jeksenbi kúni keshirim suraý bastalady.
«Biylǵy atalǵan merekege Qazaqstan halqy Assambleiasy atynan sailanǵan 9 depýtat, Reseidiń Qazaqstandaǵy elshiliginiń ókili men Nur-Sultan qalasy Ishki saiasaty basqarmasynyń basshysy qatysty. Shara barysynda merekege orai pisirilgen myń quimaq taratylyp, ystyq shai berildi. Sonymen qatar, «Kýkla-Maslenitsa», «Bogatyr» beinebaiqaýlary men balalar arasynda ótken shyǵarmashylyq konkýrstyń qorytyndysy shyǵarylyp, jeńimpazdarǵa baǵaly syilyqtar men alǵyshattar tabys etildi», - deidi Dostyq úiiniń meńgerýshisi.
Onyń aitýynsha, atalǵan kontserttik baǵdarlama aiaqtalǵannan keiin Dostyq úiiniń aldyna qoiylǵan saban qýyrshaǵyn órteý rásimi boldy. Dál osyndai merekelik sharalar basqa óńirlerde de atalyp ótildi. Naqty aitqanda Taraz, Qyzylorda, Atyraý qalalarynda da uiymdastyryldy. Qazaqstan halqy Assambleiasy uiymdastyrǵan sharalar aiasynda kóptegen sharalarǵa arqaý boldy. Atap aitqanda, «Radonej» orys qaýymdastyǵy, Jambyl oblysy ákimdiginiń ISB «Qoǵamdyq kelisim» KMM uiymdastyrdy. Shara barysynda qonaqtar «Shirokaia Maslenitsa» teatrlandyrylǵan qoiylymyn tamashalap, dástúrli orys quimaqtarynan aýyz tidi.
«Dál osyndai merekelik sharalar Qyzylorda men Atyraý qalasynda da uiymdastyryldy. Qyzylorda qalasynyń Dostyq úiinde «Slaviane» qoǵamdyq mádeni-ortalyǵy» qoǵamdyq birlestigi jáne «Qoǵamdyq kelisim» KMM uiymdastyrýymen Maslenitsa merekesi ótti. Sharada etnomádeni birlestik jetekshileriniń qatysýymen túrli oiyndar ótkizildi. Sondai-aq, táttiler men qolóner týyndylary kórmege qoiyldy. «Dovira» ýkrain etnomádeni birlestigi Atyraý oblysynyń belgili turaǵy joq adamdarǵa arnalǵan áleýmettik beiimdeý ortalyǵynda Maslennitsa merekesin ótkizdi. Etnomádeni birlestik músheleri kámeletke tolmaǵandardy beiimdeý ortalyǵyn da syilyqsyz qaldyrǵan joq», - deidi «Slaviane» qoǵamdyq mádeni-ortalyǵy» qoǵamdyq birlestiginiń jetekshisi Galina Sherbakova.
Esterińizge sala keteiik, Maslenitsa – qyspen qoshtasyp, kóktemdi qarsy alý merekesi. Bul merekeniń túp tamyry praslavian kezeńinen negiz alady. Sondai-aq, Maslenitsada ótkizilgen rásimder Kóktemniń Qysty jeńýine yqpal etedi degen senim qalyptasqan. Kóktem mezgili bastalysymen Nur-Sultan, Qyzylorda, Taraz, Atyraý qalalarynda Qazaqstan halqy assambleiasynyń uiymdastyrýymen Maslenitsa merekesi atap ótti.
