Elimizdegi qýańshylyqqa bailanysty birneshe óńirde maldardyń qiyndyq kórip otyrǵany ras. Onyń ishinde Mańǵystaý oblysy da bar. Batys Qazaqstan oblysyndaǵy Qazaqstan halqy Assambleiasynyń eriktileri mańǵystaýlyq malshylarǵa kómek qolyn sozýda, - dep habarlaidy «Ult aqparat».
Eldegi qiyn jaǵdai eshimge de ońai soǵyp otyrǵan joq. Soǵan qaramastan batystyq eriktiler Mańǵystaýda kóktemniń qurǵaq bolýy saldarynan qýańshylyq oryn alyp, jergilikti malshylar qiyn jaǵdaida «Mańǵystaý oblysyna jem-shóppen kómekteseiik» degen úndeý jasaidy.
«Biz «Mańǵystaý oblysyna jem-shóppen kómekteseiik» degen úndeýmen birneshe etnomádeni birlestiktiń tóraǵalaryna bardyq. Bir qýantarlyǵy bári de ideiamyzdy qoldap, demeý berip jatyr. Biz bir shańyraq astynda ómir súrip otyrǵan túrli ulttar bolǵanymyzben tutas bir memlekettik azamatymyz. Eger osyndai jaǵdaida ún qatpasaq azamattyǵymyzǵa syn dep bilemiz. Aldaǵy ýaqytta mańǵystaýlyq malshylarǵa jep-shóp jetkizip, kómek qolymyzdy sozamyz. Bul úshin arnaiy top jumys istep jatyr. Eń bastysy eriktiler bárin óz qoldarymen jasaidy. Men osyndai qiyn sátte bir-birin umytpaǵan azat elde ómir súrip jatqanym úshin óte qýanyshtymyn. Bul bizdiń baǵymyz dep bilemin. Al árdaiym qoldaý, demeý barshamyzdyń azamattyq boryshymyz», - dedi batystyq eriktilerdiń biri.
Osylaisha oilaryn aldymen BQO QHA «Dostyq» qazaq-vainah jastary klýbynyń tóraǵasynyń orynbasary Talǵat Chýdobaevqa jetkizdi. Ol usynysty qýana qabyl alyp, istiń basy-qasynda bolýǵa ýáde berdi.
«Biyl elimizde qýańshylyq qatty bolyp jatyr ǵoi. Malǵa obal boldy. Túrki halqy m almen ómir súrgen, maldyń orny erekshe. Degenmen, búgingi jaǵdaida únsiz qala almaidy ekensiń. Meniń erekshe maqtanyp aitqym kelip otyrǵany, óńirimizdiń jastary qaiyrymdylyqqa óte jaqyn, jomart, meiirimdi eken. Mańǵystaýda osyndai jaǵdai bolyp jatqanda, qalai tynysh jatamyz dep maǵan bir top jas kelgen eken. Qýana qoldaý bildirýge tyrystym. Eń bastysy, jastardyń eńsesi túsip qalmaý kerek. Mal-janymyz aman bolsyn degen tilekpen, Mańǵystaý oblysyna tonna-tonna jem-shóp jiberip jatyrmyz», - dedi «Dostyq» qazaq-vainah jastary klýbynyń tóraǵasynyń orynbasary Talǵat Chýdobaev.
Osylaisha, jastardyń bastamasymen, Mańǵystaý oblysyna 32 vagon shóp jiberilmek eken. Mańǵystaýda kóktemniń qurǵaq bolýy saldarynan qýańshylyq oryn alyp, jergilikti malshylar qiyn jaǵdaida otyr. Birneshe etnomádeni birlestiktiń tóraǵalary jastardyń mundaý úndeýine bei-jai qaramai, mindetti túrde kómek kórsetetinin jetkizdi. Sonyń biri – Fliýra Milikeeva.
«Jastardyń osyndai izgi tirlikterin kórgende óte qatty qýandym. Jáne jastarǵa qoldaý retinde men de óz usynysymdy aittym. Mańǵystaýǵa arnalǵan shópti tieýshilerge úsh mezgil ystyq tamaǵyn daiyndap, qamtamasyz etip otyramyn, buiyrsa. Elimizdegi qýańshylyq ońai emes. Barshamyz qabyrǵamyz qaiysa otyryp, barynsha qolymyzdy sozýǵa tyrysyp jatyrmyz. Elimiz tynysh, mal-janymyz aman-esen bolsyn deimiz», - dedi «Tatar mádeni ortalyǵy» etnomádeni birlestiginiń basshysy Fliýra Milikeeva.
Mańǵystaýda kóktemniń qurǵaq bolýy saldarynan qýańshylyq oryn alyp, jergilikti malshylar qiyn jaǵdaida otyr. Osy oraida Batys Qazaqstan oblystyq sharýa qojalyqtarynyń basshylary óz ieligindegi jerlerden shóp shaýyp beretin boldy. Nátijesinde 12 vagon shóp jinalyp, 20 vagonǵa shóp tielip jatyr.
Esterińizge sala keteiik, Batys Qazaqstan oblysyndaǵy Qazaqstan halqy Assambleiasynyń eriktileri mańǵystaýlyq malshylarǵa kómek qolyn sozýda. Batystyq eriktiler Mańǵystaýda kóktemniń qurǵaq bolýy saldarynan qýańshylyq oryn alyp, jergilikti malshylar qiyn jaǵdaida «Mańǵystaý oblysyna jem-shóppen kómekteseiik» degen úndeý jasaidy. Jastardyń bastamasymen, Mańǵystaý oblysyna 32 vagon shóp jiberilmek. Birneshe etnomádeni birlestiktiń tóraǵalary jastardyń mundaý úndeýine bei-jai qaramai, mindetti túrde kómek kórsetetinin jetkizdi.
