Tanymal teleprodeser Serik Abas-Shah óz basynan ótken mynadai tosyn oqiǵasymen bólisti. Onyń aitýyna qaraǵanda kir jýatyn mashinada kiimdemen birge jýylyp ketken quran súresi jazylǵan qaǵaz eshqandai daq túspesten qurǵaq kúiinde shyqqan - dep habarlaidy BAQ.kz tilshisi.
Tanymal telejýrnalist óziniń áleýmettik jelidegi paraqshasynda "Fatiha" súresi jazylǵan bir japyraq qaǵaz týraly tolyǵyraq jazypty.
"Keshe keshke zat kóterip júrip, shortigimdi bylǵap aldym. Kiim aýystyryp, álgini jýýǵa berer aldynda (kelinshegimniń kózinshe) qaltamdy aqtaryp jatyrmyn ǵoi. Qujat, kilt, qaǵaz degendei... "Bailyqtyń" bárin basqa qaltama salyp, jónime kettim.
... ... ...
- Sekebai, óziń teksergen soń, shortikti sol qalpymen kirjýǵyshqa salǵanmyn.
- Sosyn...
- Jýylyp bolǵan soń, balkonǵa jaiǵaly tursam, tómengi qaltasynan taǵy basqa qaǵazdar shyqty. Baiqamai qalǵansyń ǵoi. Qaltyńdy óziń aqtarǵan soń, ary qarai qaramaǵan edim. Keshirshi...
- Endi...
- Bir, eki qaǵazyń búlinipti. Biraq, Quran jazylǵan qaǵazǵa eshteńe bolmapty. Sol qup-qurǵaq qalpynda.
- Qalai qurǵaq?
....
Qysqasy bylai: Alty-jeti jyldai ýaqyt boldy. Fatixa súresin jattaimyn dep niet qylyp, ony kishkentai bir qaǵazǵa yńǵaily bolsyn der bastyryp, qujatyń arasyna salǵanmyn. Sodan beri, (qaida barsam da) qaltamnan túsken emes. Ara-arasynda eske túsip, (oqyp) qaitalaǵanmen, kúndelikti daǵdyǵa ainaldyra almai júrgenmin. Endi, mine... Ne derimdi bilmeimin...
Qaǵazdyń sý ishinen qurǵaq shyqqany qyzyq boldy. Eger basqa bireýdiń aýzynan shyqsa, ásire áńgime bolar dep senbes edim. Qudaidyń qudireti dep qoidym (ishimnen)... Múmkin, bul onyń kezekti eskertýi shyǵar?!"
Rasymen, Allanyń qudiretimen selden aman qalǵan meshit, órtten aman qalǵan quran týraly kóp estip, oqyǵan edi". Al, myna bir japyraq qaǵazdyń sýdan qurǵaq shyǵýy tańqalarlyq jaǵdai eken.
