Kipr aralynda koronavirýstyń gibridti nusqasy – «deltakron» anyqtaldy, dep habarlaidy QazAqparat.
QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń habarlaýynsha, koronavirýs juqtyrǵan 25 adamnyń úlgilerinen jańa shtamm tabyldy. Degenmen, ǵalymdardyń pikirinshe, bul nusqa aitarlyqtai qaýip tóndirmeidi.
«Kipr ýniversitetiniń professory Leontios Kostrikis aitqandai, «deltakronnyń» «deltamen» genetikalyq negizi bir jáne sonymen birge «omikronǵa» tán mýtatsiialar bar. Omikronnyń basqa shtamdardan ereksheligi onyń genomynda 30 túrli mýtatsiia bar. Olardyń ondyǵy atalǵan úlgilerde anyqtaldy», - dep túsindirdi ǵalym.
Ońtústik Afrikadan kelgen immýnologtar omikrondy COVID-19 pandemiiasynyń jedel kezeńiniń aiaqtalýymen jáne onyń endemiialyq jaǵdaiǵa kóshýimen, iaǵni belgili bir aýmaqqa tán bolatynymen bailanystyrdy.
Zertteýshiler omikrondy jáne buryn anyqtalǵan shtamdary bar 466 patsienttiń derekterin zerttep, COVID-19 jaǵdailarynyń tek 4,5%-y osy tolqyn kezinde aýrýhanada qaitys bolǵanyn anyqtady, bul burynǵy ortasha eseppen 21%-y. Sondai-aq, statsionarda bolýdyń ortasha uzaqtyǵy burynǵy 8,8 kúnnen tórt kúnge, al jansaqtaý bólimderine jatqyzylǵandar sany – 4,3-ten 1 %-ǵa deiin qysqardy.
