Almaty oblysy Kerbulaq aýdany Saryózek aýylynda jergilikti turǵyndardyń shaǵymynan keiin tozyǵy jetken ǵimaratta erekshe jarylys boldy, - dep habarlaidy Tengrinews.kz.
Áleýmettik jelide ǵimarattyń jarylǵany túsirilgen video tarady. Kadrda nysannyń arnaiy jarylystardan keiin qalai qulaǵany kórsetilgen. Oqiǵa ornynda zardap shekkender joq, jumysty mamandar júrgizgen.
Turǵyndar elevator balalar úshin qaýipti bolǵanyn, sebebi jergilikti balalar qaraýsyz qalǵan nysanda oinaǵandy unatatynyn aitady.
"Kinodaǵydai jaryldy. Elevatordyń jarylǵany jaqsy boldy. Sebebi balalar úshin qorqatynbyz. Ǵimarat eski bolǵandyqtan qulaiyn dep turǵan edi. Endi ornyna aýylǵa qajet nysan salyp beredi dep senemin", - deidi jergilikti turǵyn Gúlim Aitbekova.
Nysandaǵy alǵashqy jarylys byltyr tamyzda bolǵan. Jergilikti basshylyq qiraǵan ǵimarat ornyna aýylǵa qajet áleýmettik nysan salynatynyn aitty.
