Kiimi jaǵajaida qalǵan. Pavlodarda 18 jastaǵy jigit joǵalyp ketti

Kiimi jaǵajaida qalǵan. Pavlodarda 18 jastaǵy jigit joǵalyp ketti

instagram/poiskoviki_pavlodara_vita

Pavlodarda 18 jastaǵy jasóspirim jaǵajaida iz-túzsiz joǵalyp ketti, ony sońǵy ret adamdar ózen jaǵasynda kórgen, - dep habarlaidy Tengrinews.kz tilshisi Pavlodarnews.kz saityna silteme jasap.

VITA izdestirý jasaǵyna 17 jastaǵy er balanyń joǵalǵany týraly habar túnde jetken. Eriktilerge habarsyz ketken adamnyń sýǵa batyp ketýi múmkin ekeni de aitylǵan.

"Elaman ortalyq jaǵajaidaǵy fýtbol alańynyń tusynda dosymen birge júrip, oralmaǵan. Jaǵajaida adamdardyń óte kóp bolǵanyna qaramastan, onyń qaida ketkenin eshkim kórmegen", - dedi VITA izdestirýshileri.

Eriktilerdiń aitýynsha, Elamanmen birge bolǵan tanysy ony bir saǵattan asa kútip turǵan. Kelmegen soń zattaryn jaǵaǵa tastap ketip qalǵan. Sodan keiin bireý pavlodarlyq jigittiń sómkesi men aiaq kiimin alyp ketken.

Oblystyq politsiia departamenti jasóspirim izdestirilip jatqany týraly aqparatty ázirge rastaǵan joq.

VITA volonterleri qala turǵyndaryn joǵalǵan jigittiń qaida ekeni týraly málimet bolsa, habarlaýǵa shaqyrdy.