Qazaqstanda kiik sanyn retteý 15 qyrkúiekten bastap, 30 qarasha aralyǵyna deiin júrgizilýi múmkin. Bul týraly EGTRM Orman sharýashylyǵy jáne janýarlar dúniesi komitetiniń tóraǵasy Nurlan Qylyshbaev aitty, dep habarlaidy QazAqparat.
«Zoologiia institýty 2022 jylǵa arnalǵan kiik sanyn retteýdiń biologiialyq negizdemesin usyndy. Ǵylymi qorytyndyǵa sáikes, kiiktiń oral popýliatsiiasy sanynyń kúrt ósýine bailanysty shóp pen sý úshin úi janýarlarymen básekelestiktiń artýyna, kiikterdiń aýyl sharýashalyǵy daqyldarynyń egistik alqaptaryna kirýine orai olardyń artyq basyn retteý qajettigi týyndap otyr. Mundai jaittyń betpaqdala popýliatsiiasynda da baiqalatyndyǵyn atap ótken jón», - dedi ol elordada ótken «Kiik popýliatsiiasy sanyn retteý» taqyrybyndaǵy dóńgelek ústel barysynda.
Komitet tóraǵasynyń atap ótýinshe, biologiialyq negizdemege sáikes, usynylyp otyrǵan biyl rettelýi tiis kiiktiń oral popýliatsiiasynyń basy onyń jalpy sanynyń 10 paiyzyna teń. Onyń 5 paiyzy atalyq kiik, 47,5 paiyzyn urǵashy kiik jáne 47,5 paiyzyn biylǵy tóli quraidy.
«Al Qostanai men Aqmola oblystarynyń aýmaǵyndaǵy betpaqdala popýliiasy úshin 2022 jyly esepke alynǵan sannyń 2,5 paiyzyn aýlaý usynylyp otyr. Onyń 5 paiyzy atalyq kiik, 47,5 paiyzyn urǵashy kiik jáne 47,5 paiyzyn biylǵy tóli quraidy. Kiik sanyn biologiialyq, sonymen qatar ekonomikalyq turǵyda retteýtiń ońtaily merzimi 15 qyrkúiekten bastap 30 qarasha aralyǵyna deiin», - dedi Nurlan Qylyshbaev.
