Batys Qazaqstan oblysynda kiikterdi zańsyz aýlap, múiizderin satýmen ainalysqan eki qylmystyq top ustaldy. Bul týraly QR Ishki ister ministrliginiń resmi ókili Nurdildá Oraz aityp berdi, dep habarlaidy "Ult aqparat".
«IIM Kriminaldyq politsiia departamenti Batys Qazaqstan oblysynyń politseilerimen birlesip, kiikterdi zańsyz aýlap, múiizderin satýmen ainalysqan eki qylmystyq topty ustady. Bul toptardyń 11 múshesi qylmystyq jaýapqa tartylady. Olar ótken jyldyń qyrkúiek aiynan beri oblys aýmaǵynda brakonerlikpen ainalysqan», - dedi resmi ókil ministrlik uiymdastyrǵan brifingte .
Tergeý barysynda 700-den astam kiik múiizi, 9 atys qarýy, 7 avtokólik, 2 qarda júretin kólik jáne 2 mototsikl tárkilengen.
Kiikterdi atý saldarynan ekologiiaǵa 700 mln teńgeden astam shyǵyn kelgen.
«Atalǵan faktiler boiynsha sotqa deiingi tergeý amaldary júrip jatyr.
Aita keteiik, jyl basynan beri ishki organdar tabiǵat qorǵaý zańnamasyn buzǵan 12,5 myń faktini anyqtady. Sotqa deiingi 583 tergeý bastaldy, onyń ishinde 221 qylmystyq is sotqa joldandy. 12 myńǵa jýyq quqyq buzýshy ákimshilik jaýapqa tartyldy», - dedi N. Oraz.
Eske salsaq, BQO-da zańsyz kiik aýlaýmen ainalysqan eki qylmystyq top ustalǵany týraly habarlaǵan bolatynbyz.
