Qazaqstanda ótken jyldyń 1-31 jeltoqsany aralyǵynda ótkizilgen «Kiik» keń aýqymdy aktsiiasy barysynda 17 qylmystyq is qozǵaldy, dep habarlaidy "Ult aqparat".
QR Ekologiia, geologiia jáne tabiǵi resýrstar ministrliginen málim etkendei, «Ohotzooprom ÓB» RMQK inspektorlary anyqtaǵan 17 qylmystyq quqyq buzýshylyqtyń 14-i kiik derivattaryn zańsyz qoldaný, 3-eýi sirek kezdesetin janýarlar (arqar, qaraquiryq) túriniń zańsyz aýlaýǵa qatysty boldy.
Eske salsaq, QR Qylmystyq kodeksiniń 339-baby boiynsha («Sirek kezdesetin jáne joiylyp ketý qaýpi tóngen, sondai-aq paidalanýǵa tyiym salynǵan ósimdikter men janýarlar túrlerin, olardyń bólikterin nemese derivattaryn zańsyz paidalaný») 3 jyldan 7 jylǵa deiingi merzimge bas bostandyǵynan aiyrý jazasy qarastyrylǵan.
«Brakonerlik jasaý nemese ony josparlaý faktisi týraly QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń 87776785252 shuǵyl nómirine habarlasýdy suraimyz», - dedi ministrlikten.
«Kiik» aktsiiasy – aqbókenderdiń brakonerligine, olardyń derivattaryn satýǵa mamandanǵan uiymdasqan qylmystyq toptardyń qyzmetin anyqtaý jáne jolyn kesý jumystaryn kúsheitý maqsatyndaǵy dástúrli shara.
