© AFP 2023 / Sergei Supinsky
18 qańtar tańerteń Kiev oblysyndaǵy Brovary qalasynda balabaqsha mańyna tikushaq qulady. Ǵimaratta órt bastalǵan. Tolyq emes málimet boiynsha, 16 adam qaza bolǵan, ekeýi – bala, dep habarlaidy "Ult aqparat".
Bul aqparatty Ulttyq politsiianyń basshysy Igor Klimenko rastady.
"Búgin tańerteń Brovary qalasynda DSNS vinti apatqa ushyrady. Tikushaq apaty saldarynan IIM basshylyǵy: ministr (Denis Monastyrskii), birinshi orynbasar (Evgenii Enin) men Memlekettik hatshy (Iýrii Lýbkovich) qaza tapty. Jalpy 16 adam qaza bolǵan, onyń ishinde 2 bala bar. 22 adam zardap shekken, olar aýrýhanada, onyń ishinde 10 bala bar.
Barlyq mamandandyrylǵan qyzmet jumys jasap jatyr. Oqiǵa ornyn tekserý jalǵasýda", - dep jazdy Klimenko Facebook paraqshasynda.
© Reuters / Scanpix
Kiev oblysy ákimshiliginiń jetekshisi Aleksei Kýlebanyń aitýynsha, tikushaq balabaqsha men turǵyn úi arasyna qulaǵan. Kei aqparatqa qaraǵanda, tikushaqtyń bir bóligi balabaqsha aýmaǵyna qulaǵan, al mashinanyń basym bóligi úi mańyndaǵy aýmaqta qiraǵan.
Balabaqshada balalar men tárbieshiler bolǵan. Olar evakýatsiialanǵan.
Tikushaqtyń qulaýyna ne sebep bolǵany belgisiz.
video: Meduza
Video: Groshi
