Kids Go Free jobasynyń múmkindigin paidalanyp 300-den astam bala tegin ushty. Bul týraly Mádeniet jáne sport vitse-ministri Erjan Erkinbaev málim etti, dep habarlaidy QazAqparat.
Biyl elimizde Kids Go Free jobasy pilottyq rejimde iske qosyldy. Atalǵan baǵdarlama 2-17 jastaǵy balalar men jasóspirimderge el ishinde saiahat jasaǵanda tegin ushýǵa múmkindik beredi.
«Kids Go Free biyl qańtarda iske qosyldy. Búginde kóptegen týristik kompaniia atalǵan baǵdarlamamen jumys istep jatyr. Basty shart jasóspirim kámelet jasyna tolmaǵan bolýy kerek. Iaǵni otbasylyq týristik joldama satyp alǵan kezde, balalary tegin usha alady. Onyń aqysyn týristik kompaniia kóteredi» , - dedi Erjan Erkinbaev tilshilerdiń suraǵyna jaýap berip.
Onyń aitýynsha, biylǵy josparǵa sáikes 15 myń balaǵa deiin Kids Go Free jobasynyń múmkindigin paidalana alady.
«Osy kúnge deiin 300 bala tegin ushty. Taǵy 700 bala joldama aldy, olar endi saiahattaidy. Jii suranysqa ie aimaqtar – Almaty, Túrkistan jáne Mańǵystaý. Eger jobany qoldanýshylar sany bizdiń jospardan asyp ketse, onda qosymsha qarjy suraityn bolamyz», - deidi ol.
